2006 оны онцгой олимпийн шанхай дах олон улсын урилгын тэмцээн 10-р сарын 15-аас 20-ны өдрүүдэд Хятадын аж үйлдвэр худалдааны том хот Шанхайд болсон байна. Тэмцээний хугацаанд дэлхийн олон орны тамирчид спортын талбайд ид хүчээ сорисоноор барахгүй Хятадын эгэл жирийн оршин суугчдын хорооллоор айлчилж, Хятадын ард түмний халуун дэмжлэг болон хайр халамжийг бие сэтгэлээр мэдэрсэн байна.

     Онцгой олимп гэдэг нь оюуны хомосдолтой хүмүүсэд зориулж зохион явуулсан олимпийн наадмыг зааж байна. 2007 оны дэлхийн 12-р удаагийн зуны онцгой олимп Хятадын Шанхай хотонд болно. Ирэх жилд болох энэ олимпийг амжилттай зохион явуулахын тулд Шанхай хот энэ удаагийн урилгын тэмцээнийг урьдчлан зохион явуулж, сорилтын тоглолт болгосон байна. Уг урилгын тэмцээнд 19 улс орон газар нутгийн 2000-аад тамирчин, дасгалжуулагч оролцсон юм.