2008 оны Бээжингийн Олимпийн наадам болон Пара Олимпийн бэлтгэл ажлын чухал бүрэлдэхүүн хэсэг болсон сайн дурын үйлчлэгчдийг элсэх ажил энэ оны 8 –р сарын сүүлчээр эхэлсэн юм. Хоёр сар гаруйн турш, элсэлтийн арга хэмжээг Хятадын ард иргэд халуунаар дэмжиж, өөрийн нутаг дэвсгэр дээрээ дэлхийн олон улс орон газар нутгаас ирсэн найз нөхдөд үйлчлэхэд хүн бүхэн бэлэн байгаа. өнөө 220 мянга гаруй хүн нэр бүртгүүлээд байна.

     Бээжингийн Олимпийн наадмыг зохион байгуулах хорооны төлөвлөгөөгөөр, 2008 оны Бээжингийн Олимпийн наадам болон Пара Олимпийн наадмын хугацаанд сайн дурын үйлчлэгчид давхардсан тоогоор 100 мянга хүн шаардагдах юм байна. Асар олон сайн дурчдийг элсэх ажил 2006 оны 8-р сараас эхэлсэн. Бээжингийн Олимпийн хорооны зохион байгуулах хороо эн тэргүүнд Бээжингээс элсэлтийн ажлаа эхлүүлэв. Хоёр сар гаруйн турш 220 мянган хүн нэрээ бүртгүүлэв. Үүний дотор нэр бүртгүүлэх утас ажилласан 1 долоо хоногийн дараа 80 мянган хүн нэрээ бүртгүүлсэн байна.

     Нэр бүртгүүлэгчийн дотор Бээжингийн их дээд сургуулийн оюутад гол болж байна. Өнөө 160 мянган оюутад нэрээ бүртгүүлээд байна. Эдгээр зохих гадаад хэлний түвшинтэй оюутад уг ажиллагаанд оролцох маш их урам зоригтой байгаа. Шянгангаас Бээжин их сургуульд сурч байга эмэгтэй оюутан Ү Лүөчи хэлэхдээ, 2008 онд эх нутаг дээрээ дэлхийн улс орнуудын найз нөхдүүдэд үйлчлэх нь миний зүүдний бодол болно гэжээ.

     2008 оны Бээжингийн Олимп болон Пара Олимп нь ч Бээжингийн дахир дутуу хүмүүст өөрийгөө гэрчлэх тавцан хангасан байна. Тэдний олонхи нь Олимп, Пара Олимпид үйлчлэхээр нэрээ бүртгүүлээд байна. Дор бие нь эрэмдэг хатагтай Лян хэлэхдээ: би болон дахир дутуу найз нөхөдтэйгөө Олимпид сайн дураасаа үйлчлэхийг хүсэж байна. Бид дохионы хэл сурч байна. 2008 оны Пара Олимпид тамирчдад үйлчлэхийг хүсэж байна гэжээ.

     Хятадын нэрт жүжигчин Пү Цүньшинь хэлэхдээ, нийгмийн байр суурь ямар байлаа ч гэсэн, хүн нэг бүрт бүр сайн дурааса үйлчлэх үзэл санаа байгаа юм. Энэ үед олон нийтийн хүн нь чухал биш, харин өөрөө ард иргэдийн хамт идэвхтэй ороцох нь хамгийн чухал юм. Би Пара Олимпид сайн дураасаа үйлчлэх ажилд оролцоход бэлэн байгаа. Учир нь би Хятадын дахир дутуу хүмүүсийн асрамжийн сангийн зөвлөлийн гишүүн байгаа юм гэжээ.