Манай сурвалжлагч зун Хятадын төв хэсгийн Хэ Нань мужийн Шинь Шян сянаар сурвалжилж явахдаа Жин Хуа сүнь гэдэг нилээд чилээлэг тосгоноор орсон юм. Тосгоны иргэдийн хэлэхээр уг тосгон нь хуучинд их ядуу тосгон байжээ. Ядуугаас чинээлэг болж хөгжсөн нь чадвартай тосгоны дарга эмэгтэйн сайн гэнээ. Одоо та бүхэнд тосгоны дарга эмэгтэй Лю Жихуагийн тухай танилцуулья.

     Лю Жихуагийн төрсөн төлөв тийм онцгой биш, өндөр туранхай нуруу нь ялимгүй бөгтөр , хөдөөгийн жирийн нэг бүсгүй, 34 жилийн өмнө санамсаргүй тохиолдлоор тосгоны дарга болжээ.

     Жин Хуасүнь тосгон гурван зуу гаруй хүн амтай. Энэ нь хүн ам олонтой Хятад оронд авч хэлбэл маш жижиг тосгонд орно. 34 жилийн өмнө тосгоны тариалангийн газар нь атаршиж, иргэдийн амьдрал нь туйлын ядуу байснаар Хятадын хамгийн ядуу газар байжээ. Тосгоны эрчүүл ээлжлэн дарга болсон боловч хэн нь ч тосгоны иргэдийн хоол хүнсний асуудлыг шийдэж чадсангүй арга алдарсан нөхцөлд эмэгтэй хүнийг сонгон дарга болгов. Энэ эмэгтэй бол Лю Жихуа мөн.

     Лю Жихуа дарга болсны дараа гэрийнхэн нь яадаг билээ гэж түүний төлөө их санаа зовж байжээ. Гэтэл тэр тосгоны хөдөлмөр хүчийг дайчлан атаршсан газарт улаан буудай тарьж нарийн арчлан о тордож элбэг ургац хураагаад бүх тосгоны хүн ардын хоол хүнсний асуудлыг маш түргэн шийдсэн анхны үйл ажиллагаагаараа хүмүүсийн итгэлийг хүлээсэн байна. Лю Жихуа Иргэдийн хоол хүнсний асуудлыг шийдээд зогсоогүй нэн холыг бодож явах болсон байна.

     Тэрээр хэлэхдээ, 1973 онд иргэдийн хоол хүнсний асуудлыг шийдсэний дараа яаж ядуурлаас гаргах нь чухал асуудал болж тавигдсан байна. Тэр үед бид өвсөн дээс томох зэрэг туслах үйлдвэрлэл хийж ирсэн байна. 1979 онд улс орон өөрчлөлт шинчлэлт хийж бодлого нэн чөлөөтэй болсноор бид хөдөө аж ахуй, аж үйлдвэрийг ихээр хөгжүүлсэн байна гэжээ.

     Өвсөн дээс томох зэрэг туслах үйлдвэрлэл эрхлээд цуглуулсан хөрнгө мөнгөөр Лю Жихуа нутгийн онц гаралт шар буурцгаар дуфу, дуфун бүтээгдэхүүний үйлдвэр эрхэлсэн байна. Анхны бүтээгдэхүүнээ тэр өөрийн биеэр Бээжинд авачин дэлгүүр гуанзуудаар дараалан явж борлуулсан байна. 90-ээд онд тэдний Жин хуа дуфун бүтээгдэхүүн нь Бээжингийн дуфун бүтээгдэхүүний тал хувийн зах зээлийг эзэлсэн байна.

     Үүнээс хойш хэд хэдэн жилд тосгоны дарга эмэгтэй Лю Жихуа дуфугийн үйлдвэрлэлээр гол болгон зах зээлийн эрэлт хэрэгцээний дагуу консервын үйлдвэр, өргөн хэрэглээний бараа бүтээгдэхүүний үйлдвэр, эм бэлдмэлийн үйлдвэр зэрэг орчин үеийн шинжлэх ухаан техникийн түвшнээр өндөр үйлдвэр байгуулан ажил төрлөө цаашид өрөгжүүлэн хөгжүүлсэн байна.

     Өнөө Лю Жихуа Жин Хуасүнь тосгоныг 52 мянга гаруй юаний үл хөдлөх хөрөнгтэй аж үйлдвэрийн корпораци компани болгон байгуулсан байна. Дараагийн алхамд тэрээр аж ахуйн нэгжүүдээ эрчим хүч хэмнэх, бохирдолгүй болгон өөрчлөх төлөвлөгөөтэй ажиллаж байна. /Урангоо орчуулж, бэлтгэв/