"Шинэ техник, шинэ хөдөө тосгон, том зах зээл"-ээр гол сэдэв болгосон Хятадын Янлингийн дээд шинэ шинжлэх ухаан техникийн ололт амжилтыг харуулсан яамагийг 11-р сарын 9-нд Шаньши мужийн Янлинд өндөрлөсөн байна. Уг яармагт нийт 40 гэрээ хэлэлцээр байгуудж, гэрээний мөнгө 12 дэрбум 700саяд хүрсэн байнай.

Тус удаагийн яармагийг Шинжлэх ухаан техникийн Яам, Худалдааны Яам, Боловсролын Яам, Сангийн Яам, Барилгын Яам, Хөдөө аж ахуйн Яам зэрэг 17 яам хороо болон Шанши мужийн засгийн газраас хамтран эрхэлж, "хөдөө аж ахуйд шууд үйлчлэх, тариачдын эрэлт хэрэгцээг хангах, шинэ хөдөө тосгоны байгуулалтад тус төхөм үзүүлэх"-ээр зорилгоо болгож, хөдөө тосгоны хөгжил, хөдөө аж ахуйн үр ашгийн нэмэгдэл, тариачдын орлого, социалист шинэ хөдөө тосгоны байгуулалтад техникийн дэмжлэг, зах зээлийн жолоодлого хангах болно.

Яармаг эрхлэгч талын танилцуулснаар, тус удаагийн яармагт Хятадын 30 муж, өөртөө засах район, шууд харьяа хот болон Канад, Америк, Япон, Өмнөд Солонгос, Испани, Англи зэрэг 13 улс орон газар нутгийн 1000 гаруй аж ахуйн нэгж оролцсон байна. Яармагт бизнес хэлэлцээний 5 районтай, үзэсгэлэнгийн талбай нь 40 мянган хавтгай дөрвөлжин метр, үзэсгэлэнгийн 5 ордонд хөдөө аж ахуйн шинэ дээд техникийн ололт амжилтын бүтээл болон бүтээгдэхүүн, хэрэглээний техник, хөдөө аж ахуйн механикийн бүтээгдэхүүн болон техник, малын сайн үүлдэр, тарималын шилдэг сорт зэргийг дэлгэн үзүүлж, арилжаа хийж байна. Шинэ хөдөө тосгоны байгуулалтын хэрэгцээ шаардлагатай уялдуулан, үлгэр жишээг нэвтрүүлэх 5 үзэсгэлэнгийн район гаргажээ.

Энэ удаагийн яармагт социалист шинэ хөдөө тосгоны байгуулалтыг товойлгож, олон хэлбэрээр хөдөө тосгоны хөгжил, хөдөө аж ахуйн үр ашгийг нэмэгдүүлэх, тариачдын орлогыг нэмэгдүүлэхэд үр ашигтай арга туршлага хангаж байна. Бээжин, Шанхай, Юүньнань зэрэг муж хотууд төлөөлөгчдөө томилон яармагт оролцуулж, шинэ хөдөө тосгоны байгуулалтын арга туршлага, ололт амжилтын талаар солилцоо хийсэн байна.

Янлин нь Хятадын үндэсний хэмжээний хөдөө аж ахуйн шинэ дээд шинжлэх ухаан техникийн үйлдвэрийн үлгэр жишээ район юм. Янлингийн дээд шинэ шинжлэх ухаан техникийн ололт амжилтыг харуулсан яамаг 12 дахь удаагаа амжилттай зохиогдож байна. Үзэсгэлэнд оролцсон, танилцан айлчилсан бизнесменүүд, ард иргэд давхардсан тоогоор 9 сая 500 мянгад хүрч, төсөл хөрөнгө оруулалт, техник, бүтээгдэхүүний арилжаа хийсэн хэмжээ 10 сая юаньд хүрч, хэрэглээний техникад бэлтгэгдсэн зөвөлгөө авсан хүний тоо давхардсан тоогоор 500 мянгад хүрчээ.