Одоо та бүхэн " и яа яа урай у" гэсэн Киншас нийслэлтэй Конгын дуу сонсож байна. Тэр чигээрээ Африкийн энэ дууг манай орны алдарт дуучин, бүжигчин Жү Мин-ин дуулж байгаа юм. Өнгөрөгч зууны далаад оны сүүлчээс нааш Жү Мин-ин Ази, Африк, Латин Америкийн маш олон дууг дуулж, түүний дуулан бүжиглэх хэлбэр нь үзэгч олны халуун сайшаалыг хүлээж, маш олон үзэгчид түүнийг ёстой л Хятад Африкийн найрамдлын элч гэж үздэг байна. Одоо та бүхэнд дуучин бүжигчин Жү Мин-инг танилцуульяа.

     Жү Мин-ин 1966 онд Бээжингийн Бүжгийн Дээд Сургуулиас төгсөж, дараа нь Хятадын Дорнодахин Дуу Бүжгийн чуулгад ажилласан байна. Анх ажилд орсон эхний 10 жилд Дорнодахин Дуу Бүжгийн чуулга нь олон төрлийн шалтгаанаас болж, эрхлэлт нь тааруухан байж, жүжигчдийн тоглолтод оролцох тохиол маш ховор байсан. Сүүлээр нь 1979 онд Дорнодахин дуу бүжгийн чуулганы нэг удаагийн тоглолтоор Жү Мин-ин нэг л дор нэр мандсан юм. Тэр удаагийн тоглолтод Жү Мин-ин бүх биеэ хар хөөгөөр будаж, хар арьстаны хувцасаар хувцаслан, сургуульд сурсан Ази Африк Латин Америкийн олон орны бүжгийн тусгай мэргэжлийн мэдлэгээ ашиглан, Африкийн дууг дуулан бүжиглээд, бүх Хятадыг доргиулж, бас ч Дорнодахин дуу бүжгийн чуулганы тоглолтод шинэ байдал нээж өгсөн байна. Тухайн үеийн амжилтынхаа талаар Жү Мин-ин сэтгүүчид саяхан ярилцлага өгөхдөө ингэж хэлсэн юм. Тэрээр хэлэхдээ:

     Тухайн үед миний нас их шиг байсан болохоор юм сурахад ойлгох чадавх зүгээр шиг байсан юм. Тэхэд хамаг чухал нь хүч тавих хэрэгтэй. Би хэдэн арван жил бүжиг сурсан, энэ маань надад маш их тус болжээ, үүнээс болж би хөгжмийн аясаар дууныхаа онцлогыг атгаж авдаг. Миний дуулан бүжиглэх хэлбэрийг ард түмэн маань юны учир сайшаан талархаж байдаг талаар сүүлээр нь би ойлгосон, учир нь надаас өмнө ингэж дуулахын дагуу бүжиглэж байсан жишээ байхгүй байсан тул үзэгчдэд маш сонин сэвүүн санагдаж байдаг бололтой гэжээ.

     Жү Мин-инг анх Дорнодахин Дуу Бүжгийн чуулгад орж ажиллах үе тоглолт гаргах тохиол маш ховор байсан учраас тэрээр ч хамт ажилладаг уран сайханчдын адилаар яахаа мэдэхгүй алмайрч байсан юм. Сүүлээр нь Ерөнхий сайд Жөү Эн-лай тэднийг хүлээн авч уулзах үе хэлсэн үг нь тэднийг маш зоригжуулсан байлаа. Ерөнхий сайд Жөү Эн-лай тэднийг гадаад хэлийг сайн сур, учир нь та нар бол урлагчин төдийгүй дипломатач болохоор, та нарын тоглолт тань Хятадын ард түмэн болон Ази Африк Латин Америкийн ард түмэн хоорондын соёл урлагийн солилцоонд тус дөхөм үзүүлэн, Хятадын ард түмэн болон олон орны ард түмэн хоорондын найрамдлыг зузаатгаж болох юм гэж санал болгожээ. Ази Африк Латин Америкийн урлаг нь бүр л дуулан бүжиглэхийг хослуулсан урлаг болохыг сүүлээр нь Жү Мин-ин олж мэдсэн бөгөөд дорнодахин дуу бүжгийн чуулгад тухайн үед дуулж чадах мөртөө бүжиглэж ч чадах жүжигчин байгаагүй. Өөрөө хоолой сайтай болохоор, гадаад хэл болон дуулахыг сурчхах юм бол чуулгынхаа энэ хоосонг бөглөж болох юм байна гэж Жү Мин-ин бодсон байлаа. Тэгээд дуу дуулж сурахаар шийдэж, хүн болгоноор багшлуулж, мөн гадаад хэлний дээд сургуульд хүрч гадаад хэл сурсан байлаа. Нэн ялангуяа тухайн үед Африкийн хэл мэддэг хүмүүсийн олонх нь олон улсын радиод төвлөрч байсанаар, Жү Мин-ин үргэлж манай радиод ирж, Африк хэлний нэвтрүүлгийн газрын нөхдөөс Сьвашил хэл зэрэг африк хэл сурч байв.

     Мөн тэр удаа амжилттай тоглоод, Жү Мин-ингийн гадаад хэл сурах урам зориг нь улам хөгжиж, түүнээс хойших таван жилд Жү Мин-ин зуу гаруй дууг хорь гаруй улсын хэлээр дуулж чадах болсон байна. Нэг удаагийн үдэшлэгт Жү Мин-ин энэтхэг дуу дуулан энэтхэг бүжиг бүжиглэхгүй бол негер мягаар засаж, дуулан бүжиглэж, үзэгч олноо баясгаж байдаг байна. Тэр Хятадын өнцөг булангүй явж ая дуугаа хангинуулсан төдийгүй Ази, Африк, Латин Америкийн онуудад ч хүрч тоглолт гаргасан юм.

     Жү Мин-ин гадаад оронд тухайн орны хэлээр дуу дуулаад тэр нутгийн ард түмний халуун сайшаалыг хүлээж байсан юм. Би Египетэд тухайн нутгийн " Байсбуса" гэсэн дууг дуулаад надад маш гүн суугдалтай болсон юм гэж тэрээр ярьж байлаа. Тэр хэлэхдээ:

     Египетэд тоглолт гаргахдаа Байсбуса гэсэн дууг дуулаад тайзанаас бууж чадахгүй болсон юм. Нэг удаа дуулахад л үзэгчид 23 удаа нижгэнтэл алга ташиж, би тайзан дээр өөрийнхөө дуулахыг ер сонсохгүй, тайзан дор байгаа үзэгчид надтай хамт дуулах дуу л сонсдоод байсан. Тайзанаас буусан хойно олноороо бидэнд мөнгө хандивлаж, хоолон ширээнээс ч том байсбуса хийж, манай чуулгын жүжигчдэд амсуулсан. Сүүлээр нь тэд надад " Байсабуса" гэсэн нэр өгсөн юм гэжээ.

     Халуун сэтгэлт үзэгчдийн урамшуулалаар Жү Мин-ин өөрийн ажилдаа улам ч хайртай болсон юм. 1985 онд тэрээр Америкийн гурван том алдарт хөгжмийн дээд сургуулийн нэг Беркле хөгжмийн дээд сургуульд хүрч, Негер хөгжим, Африкийн хөгжмийн түүх, Америкийн хөгжмийн түүх зэрэг хичээл сурсан байна. Анх эхлэх үе үг хэлний харишлалтай байсан боловч Жү Мин-ин арга бүхнээр хүчир бэрхийг тэвцэн, өдөр нь багшийнхаа заасан зүйлийг тэмдэглэн авч, орой байрандаа хариад ахин дахин уншиж давтаж цээжилж байдаг. Системтэй суралцаад Жү Мин-ин Африкийн хөгжимд нэн гүнзгий ойлголттой болсон байна. Тэрээр хэлэхдээ:

     Африк тив бол урлагын өлгий гэж би бодох юм. Түүний хөг аялгуу нь хэдийгээр дөхөм авсаархан байсан ч түүнийг төрөл бүрийн ая хөгжимтэй хослуулаад ирэхэд адил бус сэтгэгдэл төрүүлж байдаг. Африкийн хөгжмийг Хятадын хөгжимтэй хэрхэн уялдуулах билээ гэж би ер нь бодох юм. Энэ хоёрыг уялдуулах юм бол маш онцгой сайхан болох байх. Хожим дэлхий дээрэх страдын хөгжим нь Африкийн хөгжим болон Хятадын хөгжмийн уялдсан тэрхүү гоё сайхан хөгжим л байж таарна гэж би бодох юм гэжээ.

     Ийм хүсэл эрмэлзлийг өвөрлөн Жү Мин-ин сүүлээр нь эх орондоо буцан ирж, Бээжин дэх Жү Мин-ингийн хөгжлийн хязгаардмал компани байгуулан, дотоод гадаадын соёлын солилцооны ажил хийж байна. Би өнөө олон улсын урлаг соёлын дээд сургууль байгуулахаар бэлтгэж байгаа бөгөөд Африкийн урлагыг системтэй судлахаар байна гэж Жү Мин-ин бидэнд хэлсэн юм. Тэрээр хэлэхдээ:

     Манай энэ дээд сургууль Африкийн урлагыг системтэй судлана, Африкт хэдий орон байгаа бол би төдий орны соёлыг судлаж суралцах болно гэжээ. /Пэрлаймаа редакторлон орчуулав./