Өмнө нь Тайваний оюутнууд зуны амралтаар Европ, Америк тивийн орнуудад очдог байсан бол сүүлийн жилүүдэд Тайваний оюутнууд эх газарт зуны лагериар ирэх нь их болсон байна. Бүх Хятадын Тайваний эх орон нэгтэй хүмүүсийн найрамдлын холбоо энэ зун Тайваний 1300 оюутан оролцсон зуны лагерынхныг хүлээн авч томоохон арга хэмжээ зохион явуулсан байна.

     Энэ 1300 гаруй оюутан арван хэдэн хэсэг хувааж зарим нь Хятадын эртний нийслэл Ши Ань хот хүрч, зарим нь Сы Чуаний Жиү Жайгөүгийн үзэмжит районоор хүрч, төгсгөлийн өртөө Бээжинд тэд Бээжингийн хааны ордон, урт цагаан хэрэмтэй танилцсан байна.

     Тайван болон эх газар нь 300 гаруй милийн далайгаар аслагдаж байдаг. Гэхдээ зүйл зүйлийн шалтгаанаас болж Тайваний залуус эх газрын тухай төдий сайн ойлгохгүй байдаг юм. Эх газар ирж танилцан айлчлахаас өмнө Сы Чуаний төв Чэн Дү Тайбэйгээс дутахгүй хөгжилтэй хот, Бээжингийн хааны ордон ийм агуу сүрлэг гэж ерөөс санаагүй гэж тэд нар хэлж байлаа.

     Тайваний багшийн их сургуулийн 3-р ангийн оюутан Ван Зэн хэлэхдээ, багаасаа би Хятадын эртний түүхэнд их сонирхолтой, энэ удаа эх газар ирээд Хятадын өнө удааны түүх соёлын талаар нэн гүнзгий ойлголттой болсон гэжээ. Тэрээр хэлэхдээ, бид Хятадын үндэстний өвөг дээдэс Хуан дигийн бунхан, Чинь Жи хуан хааны цэрэг морины баримал зэрэгтэй танилцаад Хятадын үндэстний өнөө удаан жилийн түүхийг биеэр мэдэрсэн, өмнө нь бид Тайваний сурах бичиг дээр бичигдсэн зүйлийг уншиж байсан боловч чухам юу болохыг ойлгохгүй байсан. Энэ удаа үнэн бодитой зүйлтэй газар дээр нь танилцаж, Хятадын таван мянган жилийн цацрангуй түүх, олон ургальч соёлыг нүдээр харч биеэр мэдэрч ойлгосон гэжээ.

     Тайваний оюутнууд эх газрын түүх соёл, үзэмжит газартай танилцсан төдийгүй Бээжингийн өмнө дүүрэгт байгаа хэдэн зуун жилийн түүхтэй ардын гар урлалтай танилцсан байна. Жин Тайлань гар урлал, хаш сийлбэр, ясан сийлбэр, цаасан хайчилбар,шавар баримал, улаан утасы зангиа зэрэгтэй танилцан бөгөөд цаасан хайчилбар, шавраар жижиг хүн амьтны дүрс чимхэх зэргийг гараар хийж оролдож танилцсан байна.

     Эх газрын нас чацуу хүмүүстай уулзан их сургуулиудтай танилцах нь энэ арга хэмжээний бас нэгэн чухал хэсэг юм. Тайваний оюутнууд Бээжингийн баруун дүүрэгт байгаа Төвийн Үндэстний их сургуульд ирэхэд Монгол, Түвд Казах, Уйгур зэрэг үндэстний цөөнхийн оюутнууд тэднийг халуунаар угтан мэндлэв. Тэд энд Хятадын үндэстний цөөнхийн оюутнуудын амьдрал, сурлагатай танилцан бас үндэстний цөөнхийн музейтэй танилцсан байна.

     Тайваний оюутнууд эх газар ирээд зөвхөн үзэж танилцаад зогсоогүй зарим оюутан эх газрын эдийн засгийн хөгжил, Бээжингийн хот тохижуулалт зэрэг асуудалд сонирхол төрсөн байна. Оюутан Ван Зэн хэлэхдээ, миний олон найз эх газар ирж их сургуульд сурах, ажлын байр хайх хүсэлтэй байдаг, миний хувьд Бээжинд болох олимпийн наадмын тухай сонирхдог. 2008 оны олимпийн наадам дөхөж ирлээ, хоёр ажлыг эрчтэй хийх нь маш чухал шаардлагатай гэж би үзэж байна. Нэгдүгээрт, Бээжингийн зам харилцаа, нөгөө нь гадаад хэл болно. Энэ хоёр асуудал нь Бээжингийн олимпийн наадамд бэлтгэх гол асуудал мөн гэжээ. Урангоо орчуулж бэлтгэв