2006 онд ХОУР-гийн Монгол хэлний редакцид болж өнгөрсөн олон сайхан баярт үйл явдлын дотороос Монгол улсын сонсогчид маань манай радиод хүрэлцэн ирж радиогийн ажилтадтай нүүр нүүрээрээ уулзалдсан нь онцлог үйл явдал болсон гэж хэлэхэд илүүдэхгүй. 2006 оны 5-р сард Дорнод аймгийн сүлжээ хэрэглэгч Төгсжаргал, 7-р сард Эрдэнэт хотын Цай хүн сургуулийн захирал Бямбабаатар, 8-р сард Монгол улсын Архангай аймгийн радио сонсогч Содномын Эрдэнэболор нарын зэрэг найз нөхөд манай радиогийн Монгол хэлний редакцид хүрэлцэн ирж редакцийн хамт олонтой уулзан учирсан баярт үйл явдал болж өнгөрлөө. 2007 оны шинэ жилийн босгон дээр Монгол улсын Эрдэнэт хотын Цай хун сургуулийн бяцхан сонсогч Билгүүн ээжтэйгээ манай редакцид ирж редакцийн ах эгч нартайгаа танилцсан байна.

     Хятадын олон улсын радио нэвтрүүлэг явуулж эхэлсний 65 жилйин ойгоо тэмдэглэж байгаа баярт өдрүүдэд, Монгол улсын Улаанбаатар хотын Найрамдал радио сонсогчдын клубын гүйцэтгэгч захирал С.Цэвэгмид, клубын удирдах зөвлөлийн гишүүн Сувдсүрэн, ахмад идэвхтэн сонсогч Ш.Цэнд нар радио дээр хүрэлцэн ирж Хятадын олон улсын радио нэвтрүүлэг явуулж эхлэсний 65 жилийн ойд баяр хүргэсэн байна. Бээжинд байсан хэдэн хоногийн хугацаанд Монгол улсын сонсогчид маань Монгол хэлний редакцийн хамт олонтой манай ажлын талаар өөрийн бодол сэтгэлээ илэн далангүй ярилцан байна. Тэд манай ажилд урам хайрлаж манай ажлын үр дүнг бүрэн гүйцэд нотолсон төдийгүй Монгол хэлний редакцийн нэвтрүүлэгч Пэрлэймааг 2005 оны шилдэг нэвтрүүлэгчээр шалгаруулж, түүнд Найрамдал клубын олгосон хүндэт үнэмлэх гардуулсан байна. Бээжинд байсан хугацаандаа тэд цагаан хэрэм, Юн Хэгүн хийд, Бээжингтйн телевизийн цамхаг, аквером зэрэг түүх дурсгалын болон үзэмжит газруудаар үзэн танилцсан байна. Энэ ялдамд танд дуулгахад энэ гурван сонсогч манай радиогоос зохион явуулсан асуулт хариултын уралдаанд олон жил дараалан оролцож сайн амжилтанд хүрч байсан бөгөөд, энэ хавар манай радиогоос зохион явуулсан уралдаанд бүгд байр эзэлсэн байна. Радиод байгаа хугацаандаа гурван сонсогч маань адил бус булангуудад уригдан оролцож олон олон сурвалжлага ярилцлага өгсөн байна.

     Монгол улсын сонсогчдыг манай радиод зочилж байсан хугацаанд Монгол хэлний редакцийн ажлын гэрт сонсогч болон редакцийн хамт олны найрамдалт харилцааг шингээсэн ая дуу сонсдож, нөхөрсөг уур амьсгалаар амьсгалж байлаа. Энэ бүхнийг манай сурвалжлагч зургийн аппаратаараа баярт дурсамж болгон үлдээсэн байна.

     Та хэрэв сонирхотой бол манай сайтад хандаж, Монгол улсын сонсогчид болон редакцийн хамт олны авхуулсан зургаас мөн олон булангаас манай хөтлөгч сурвалжлагчийн гурван дээрх сонсогчтой хийсэн хөгжилтөй ярилцлагаас сонсох болов уу? \Номин бэлтгэв\