Хятадын хотын байгуулалтын хөгжлийг дагалдан хотын оршин суугчдын хорооллын байгуулалт ч ирэх тутам боловсронгуй болж байна. Орон сууцны албаны ажилтнууд оршин суугчдад тал бүрийн үйлчилгээ хангаж байх төдийгүй оршин суугчдын олон нийтийн төлөө гэсэн үзэл бодол ч тасралтгүй эрчимжиж, тэд хорооллоо эвсэг зохицонгуй гэр орон болгон байгуулахаар чармайн зүтгэж байна.

     Чин Няньгүнюань хороолол бол манай улсын дорнод нутгийн Шань Дүн мужийн Жи Нань хотын нэг хуучин хороолол юм. Уг хорооллын эзлэх талбай нь төдий их биш боловч зургаан мянга гаруй өрх айл оршин сууж байгаа том хороолол юм. Хуучин орон сууцны байшин болохоор өрөө нь жижиг, хоолойн газ болон дулаалгын төв систем байхгүй нөхцөл төдий сайн биш юм. Гэтэл иймэрхүү даруухан нөхцөлтэй оршин суугчдын хуучин хороолол 2006 онд Дэлхийн эрүүл мэндийн байгууллагаас олгосон "аюулгүй байдал хангасан хороолол"-ын шагнал хүртсэн байна. Уг шагнал нь оршин суугчидад амьдралын аюулгүй орчин хангах талаар хэлбэрэлтгүй хүчин чармайлт гаргаж ирсэн хорооллыг алдаршуулан хөхүүлэх зорилготой юм.

     Хуучин хорооллын аюулгүй байдлыг хангахын төлөө 2002 оноос эхлэн Чин Няньгүнюань орон сууцны албаны 40 гаруй ажилтан олон ажил хийсэн байна. Өмнө нь оршин суугчид дөхмийг бодож, газ болон нүүрс түлэх зуухыг жижиг гал тогооны өрөөнд хамт нь тавьдаг. Зууханд гал ноцож байх үед газын саваас хий нэвчихэд хүрвэл тэр нь галын аюул гарч мэдэх юм. иймэрхүү байдалд чиглүүлэн оршин суугчдын албаны ажилтан бүхнээрээ холбогдох салбараас эрхэлсэн гэнтийн аюулаас сэргийлэх мэдлэгийн сургалт дамжаанд оролцож сурсан зүйлээ өрх дараалан оршин суугчдад ярьж тайлбарлаж өгдөг.

     Суралцахаар дамжин оршин суугчдын аюул ослоос сэргийлэх үзэл ухамсар ихээр дээшилсэн байна. Чин Няньгүнюань хороололд арван хэдэн жил амьдарч байгаа хатагтай Дүн Гүйлань хэлэхдээ, өмнө нь бид галаас сэргийлэх тухай юу ч мэдэхгүй байсан, өнөө бид энэ тухай мэдлэгтэй болсон. Орон сууцчны албаны ажилтан олон нийтийн аюулгүй байдлыг хамгаалахад олон ашигтай ажил хийсэн гэжээ.

     Галын аюулаас сэргийлэхээс гадна, оршин суугчдын хороолол нь хүүхэд багачуудыг гэнтийн аюулаас хамгаалах, гэр бүлийн хүчирхийлэл, замын ослоос сэргийлэх зэрэг асуудлаар олон ажил хийсэн байна. Жишээлбэл хорооллын хүүхдийн цэцэрлэг давхар байшин хоорондын нийлсэн хэсэг гадагшаа нэвтрэх хоёр гулгах төхөөрөмж байрлуулсан байна. Энгийн үед хүүхдүүд гулган тоглож, онц байдалд тохиолдвол түргэн зугтах газар болдог байна.

     Чин Няньгүнюань хороолол онц байдлаас сэргийлэх өөрийн онцлогийг бий болгосон бол Хятадын бусад хотуудын хороолол ч өөрийн онцогтой хөгжиж, Оршин суугчдын албаны ажилтнууд иргэдэд оршин амьдрах сайн сайхан орчин ахуй бий болгон өгч байгаагаар бархгүй оршин суугчдын олон нийтийн төлөө бодож сэтгэх үзэл ухамсрыг дээшлүүлэн, бодит үйл ажиллагаагаар хүрээлэн байгаа орчин ахуйгаа хамгаалан цэвэр цэмцгэр болгож байна.

     Сүүлийн үед Бээжингийн хэвлэл мэдээллийн хэрэгслүүд "Бээжингийн хамгийн гоё арван хороолол" шалгаруулах арга хэмжээг зохион байгуулж, мянга гаруй хороолол, 2 сая иргэд санал хураалтад оролцсон байна. Иргэд болон орон сууцны албаны ажилтан хамтран эвсэг зохицонгуй хороолол байгуулхаар чармайн ажилласан үлгэр жишээ Хятад даярын олон газар бүр харагдаж байна. Өмнө нь зарим хүн олон нийтийн газрыг улс орных надтай хамаагүй гэж үздэг байсан. Хятадын орон сууцны дүрэмд өөрчлөлт хийсний улмаас орон сууц нь хувийн эд хөрөнгө болж, хороолол нь оршин суугчдын нийт дундын эд хөрөнгө болж хүмүүс ухамсараараа хорооллоо харж хамгаалахад оролцох болсон байна. /Урангоо орчуулж бэлтгэв/