2006 оны Хятадын олон улсын уран бичлэгийн их хурал Хятадын өмнөд нутгийн Ханжөү хотод саяхан өндөрлөв. Хятад, БНСУ, Сингапур зэрэг орны зуу гаруй уран бичлэгтэн нар Ханжөү хотноо цуглаж, уран бичлэгийн нэрт хүмүүсийн чуулга уулзалт зэрэг олон үйл ажиллагаанд оролцож, орчин үеийн уран бичлэгийн урлагийн амжилт бүтээлийг харуулж, эрэн үеийн уран бичлэгийн хөгжлийн талаар хайн хэлэлцсэн байна.

     2006 оны 12-р сарын дундажаар " 2006. Хятадын олон улсын уран бичлэгийн их хурал" ажлаа эхэлсэн юм. Энэ хурал нь олон улсын уран бичлэгийн урлагийн шинийг санаачлан бүтээх болон солилцоо хийхийг ахиулах, эрэн үеийн уран бичлэгийн урлагийн амжилтыг үзүүлэх зорилгоор " уран бичлэгийн гоо сайхан-соёл,оюун санааны уялдаа" уриан дор болж, уран бичлэгийн урлагийн үзэл санааны ахуй байдлыг бүрэн бүтнээр нь харуулсан байна.

     Хятадын Соёлын яамны орлогч сайд Чан Кэ-рэн нээлтийн ёслол дээр үг хэлж, Хятадын соёлоос үүсэлтэй уран бичлэгийн урлаг нь Бээжин ший, Ү шү гимнастик, зүү төөнөлгөө зэрэгтэй хамтдаа Хятадын дөрвөн том содон соёлын нэг болох юм. Уран бичлэгт үндэстний өнө үүрдийн үзэл санаа шингэж, цог бадрангуй Хятадын соёлыг харуулж байгаа юм гэж тэмдэглэжээ.

     " Олон улсын уран бичлэгийн нэрт хүмүүсийн уран бүтээлийн үзэсгэлэн" ажиллуулсан нь энэ их хурлын чухал агуулга болно. Энд уран бичлэгийн 400 гаруй ширхэг содон бүтээл дэлгэн үзүүлсэн байна. Эдгээр содон бүтээл нь Хятадын эх хуурай, Сянган, Аомэн, Тайвань район, жич Япон, БНСУ, Малайз, Сингапур зэрэг газрын зуу гаруй нэртэй нэртэй уран бичлэгчин нарын гар бичмэл бөгөөд уран бичлэгийн урлагийн төрөл бүрийн бүтээл хамрагдаж, эрэн үеийн олон улсын уран бичлэгийн мэргэжлийн түвшнийг харуулж байгаа аж.
Уран бичлэгийн үзэсгэлэнгээс гадна, олон улсын уран бичлэгийнхний дээд хэмжээний чуулга уулзалт хийсэн нь энэ удаагийн хурлын нөгөө нэг гол тал болох юм. Чуулга уулзалт дээр уран бичлэгтэн нар орчин үеийн гоо зүйн ухааны сонгодог уран бичлэгт үзүүлж байгаа сорилт, сүлжээний уран бичлэгийн урлагт үзүүлж байгаа нөлөө, уран бичлэгийн урлагийг олон улсын болгох зэрэг сэдвээр содлон хэлэлцэж, маш халуун хөгжөөнтөй явагдсан юм. /Пэрлаймаа орчуулав/