2006 оны 7-р сард хэдэн Швед хүн эртний маягийн дарвуулт онгоц жолоодон Хятад улсад ирж айлчилсан байна. Эрт дээр үед Хятадын Ань Хүй мужид үйлдвэрлэсэн цайг авч түүний нутагт айлчлах нь тэдний энэ удаагийн аялалын чухал зорилгын нэг юм.

     18-р зууны үед Шведийн " Готенбург" нэрэмжит худалдааны онгоц алс далайгаар аялал хийж байсан юм. Тэр нь тухайн үед алс далайн аялалын хамгийн тэргүүний дарвуулт онгоц байсан юм. " Готенбург" Шведийн сувд эрдэнэ, цаг зэрэг эд барааг гурван удаа Хятад услад тээвэрлэн ирж, мөн хятад цай, шаазан, торго дурдан, үнэрт бодис зэрэг бараа бүтээгдэхүүнийг Европын олон оронд тээвэрлэн хүрч Европын орнууд болон Хятадын хооронд худалдаа хийж байсан юм. Гэвч 1745 онд " Готенбург" Шведийн ойролцоо хад мөргөж далайд живж, гарз хохирол нь Шведийн тухайн жилийн үндэсний үйлдвэрлэлийн нийт бүтээгдэхүүнтэй тэнцсэн гэдэг.

     20-р зууны 90-ээд оны үед хүмүүс" Готенбург"-ийг шүүн гаргах хэд удаагийн арга хэмжээ зохион байгуулж, живсэн онгоцоос эд барааг шүүж тэнгис далайн археологийн олдворыг илрүүлэн түүнд судалгаа хийх хаалгыг нээсэн байна. Нэг удаа хүмүүс шүүн гаргах явцад гайхамшигтай зүлийг илрүүлсэн байна. Энэ арга хэмжээнд оролцсон Швед хүн Матс Ларсон тухайн үеийн байдлыг эргэн үзэж хэлэхдээ, бид далайд тунсан " Готенбург" хөлөг онгоцон дээрээс шаазанд савласан хайрцагтай 370 тонн эртний хятад цай олсон. Нэг орой бид энэ цайгаар цайллага хийсэнд цайны анхилуун сайхан үнэр өрөө дүүрэн ханхалж байсан гэжээ.

     Энэ 370 тонн цайны нэг хэсэг нь Хятадын АньХүй мужиас гардаг "Ү- личин" гэдэг нэрт цай байлаа. Энэ цай уг мужийн өмнөд нутгийн Шянь Юйшань ууланд ургадаг нэртэй цай юм. Шянь Юйшань уул далайн түвшнээс 1300 гаруй метрийн өндөрт байж жилийн дөрвөн улиралд үүл мананд бүрхэгдэж байдгаас энд ургадаг цай нь Ү- личин" буюу манант цэнхэр гэсэн нэртэй болжээ. Газар зүй цаг уурын өвөрмөц нөхцөл байдлаас цай нь цэцгийн анхилуун сайхан үнэртэй селен зэрэг микро элемент элбэг агуулагдаж байдгаас 800 гаруй жилийн өмнөөс Хятад улсад нэртэй цайны жагсаалтад орсон байна.

     20-р зууны 90-ээд оны эхээр Матс Ларсон болон түүний хамтран зүтгэгчид эртний " Готенбург" онгоцыг дууриан дарвуулт онгоц үйлдэж, тухайн үеийн түүний аялалын шугамаар алс дорнодын Хятад улсад очиж живсэн " Готенбург" дээрээс олдсон хятад цай, шаазан, торго дурдангийн төрөлх нутгийг хайх юм сан гэсэн төлөвлөгөө санаачилжээ. Үүнийхээ дараа тэд уламжлалт технологиор " Готенбург" онгоцыг үйлдэх ажлаа эхэлсэн юм. 2005 оны 10-р сард дахин бүтээгдсэн "Готенбург" нэрэмжит дарвуулт онгоц Хятад улсыг зорисон анхны аялалдаа гарсан юм.

     2006 оны 7-р сард шинэ " Готенбург" хуучин" Готенбург"-ийн аялалын шугамаар Хятадын Гуан Жөү хотод амжилттай хүрч ирэн Хятадад хийх айлчлалаа эхэлсэн байна. 2006 оны намар Швед анд найз "Ү- личин" цайны нутаг—Ань Хүй мужийн Чи Жөү хотын Шянь Юйшаньд айлчилсан байна. Анхилуун үнэр ханхалсан цайны хүрээлэнд Матс Ларсон зэрэг Швед найз нөхөд далайгаас шүүж гаргасан "Ү- личин" цайг авчрав. Тэдний өмнө цайны модон дээр шинэ цай ногоорон харагдана. Ноён Матс Ларсон сэтгэл догдлон хэлэхдээ, 300 гаруй жилийн өмнө хүмүүс эндээс цай түүж боловсруулж байсан, өнөөдөр тэр уламжлалт арга технологи тэр хэвээрээ, гэхдээ ганц нэг зүйл гэвэл тэр үеийн хүмүүс нь өнөөгийн хүмүүсийн өвөг дээдээс болжээ. Эртний цайны төрөлх нутаг энэ цайны хүрээлэнд ирэхэд 300 гаруй жилийн тэртээх түүх бидний өмнө дэлгэгдэж ард түмэн хоорондын харилцаа холбоог бишрэн хүндэтгэх сэтгэл өөрийн эрхгүй төрсөн гэжээ.

     Гурван зууны тэртээх эртний "Ү- личин"цай Шведээс Испани, Бразили , Өмнөд Африк, Австрали, Индонези зэрэг орноор дайран таван тивийн гурван их далай тэнгисийг туулан төрөлх нутагтаа буцаж ирсэн байна. Цайны төрөлх нутгийнхан ч цайг төрөлх нутагт нь хүргэж ирсэн Матс Ларсон нарыг онцгой хэлбэрээр угтсан байна. Чи Жөү хотын дарга " Готенбург" нэрэмжит онгоцны дарга Петер Калингст "Готенбург" онгоцны зураг тэмдэг бүхий хөх вааран саванд савласан 100 сав шинэ "Ү- личин" цайг бэлэглэсэн байна.

     Шинэ"Ү- личин"цайг тээсэн шинэ " Готенбург" нэрэмжит онгоц 2006 оны сүүлчээр Хятадаас мордон Шведэд буцах аялалаа эхэлсэн байна. 2007 оны 7,8-р сарын үеэр " Готенбург" нэрэмжит онгоц Английн Лондонгоор дайран Шведэд буцах үед Чи Жөү хотоос илгээсэн төлөөлөгчид уг даруулт онгоцонд сууж Шведийн Готенбург хотод айлчлах болно. /Урангоо орчуулж бэлтгэв/