Дуучин Сү Рүй нь Тайваний эстрадын түүхэнд нэрээ мөнхлөн үлдээсэн алтан үеийн нэртэй дуучны нэг ба хамгийн анх Барууны эстрад урлагыг Тайваньд оруулж ирэн өөрийн урлаг соёлтой нэгтгэн хятад хэл дээр дуулж амжилтанд хүрч чадсан анхны эмэгтэй дуучин байна, ийм ч утгаар нь түүнийг мэдэхгүй танихгүй хүн гэж үгүй ба үүрд мөнхийн Сү Рүй хэмээн өргөмжилдөг байна. Тэрээр 1968 оноос хойш дунд сургуулийн ахлах ангийг төгссөний дараагаас эхэлж дуулж эхэлсэн ба 1976 оноос 1998 оны хооронд нийт 22 ширхэг дууны цомог гаргасан байна, "Жиү Гань Тан Май Мү" бол дуучин Сү Рүйгйин сонгодог бүтээлийн нэг бөгөөд "Буруу тэргэнд суусан нь" хэмээх Тайваний телевизийн олон ангит киноны дуу нь юм, мөн энэ дуу нь 1980 оны эхээр хүчээ аван эх газарт Тайваниас орж ирсэн анхны эстрадын дуу гэж тооцогддог юм байна.

     Хожим нь энэ дуу нь эх газарт ихээр дэлгэрч олон дуучид өөрсдийн хэв маягаараа дуулсан ба "Буруу тэргэнд суусан нь" киног ч бас эх газарт дахин бүтээсэн байна, харин одоо энэ дууныхаа нэрийг тайлбарлая, "Жиү Гань Тан Май Мү" гэдэг нь "хоосон архины шил байвал худалдаж авна" гэсэн утгатай бөгөөд энэ нь киноны үйл явдалтайгаа холбоотой билээ, харин одоо энэ дуунд хэрхэн дуулдаг болох талаар ярьяа.

     "Буруу тэргэнд суусан нь" кинонд хог хаягдал хүлээн авах цэгт ажилладаг ядуу хэлгүй залуу өөрийн биш бяцхан охиныг авч өсгөдөг тухай гардаг ба охин нь том болж өөрийн төрсөн эцэг эхээ олон алдартай дуучин болсон ч өөрийн өсгөсөн эцэгтээ буцаж ирж байгаа тухай гардаг ба охин нь өсгөсөн аавдаа зориулан "Жиү Гань Тан Май Мү" хэмээх энэ дуугаа зохион дуулсан байна. Дуунд:

Энэ олон жилийн туршид хэзээд орхиж байгаагүй дуу хоолой,
Тэнгэр байхгүй ч газар байна, газар байхгүй ч гэр байна,
Гэр байхгүй ч та байдаг болхоор,
Хэрвээ та намайг өсгөж надад энэ дулаан сайхан авьдралыг өгөөгүй бол,
өнөөдөр миний амьдрал ямар байхыг би мэдэхгүй байна гэж дуулдаг байна.

     Энэ дууны ая маань уянга болон алтернатив рокыг хослуулсан дуу байна, ингээд одоо энэ дуугаа хүлээн авч сонсоно уу.