Сүүлийн жилүүдэд Тайваний хоолойн хоёр эргийн эх орон нэгтэй хүмүүсийн хамтын хүчин чармайлтаар хоёр эргийн харилцаа холбоо тасралтгүй гүнзгийрч эх газар ирж худалдаа наймаа эрхлэн сурч судлах хүмүүс жил ирэх тутам олширсон байна. Эх орны элгэн хайраар тэдэнд хандахын төлөө орон даяарын Тайваний ажил эрхэлсэн байгууллага олон талын үйлчилгээ үзүүлж ирсэн байна.

     Баруун нутгийн Шаань ши бол өнө удаан түүх соёлтой муж юм. Чиньши хуан хааны бунхан, цэрэг морины жагсаал, Да Яньта суварга, Сао Яньта суварга зэрэг нэртэй түүх дурсгалын нэрэй газруудад жил бүр Тайваний эх орон нэгтэй хүмүүс ирж танилцан айлчилж байна. Тайваний буддын шашны сүсэгтнүүдийн хувьд Шаань Ши мужийн Ши аний Фа мэньсы хийдэд тахиж байгаа Шагжа муны хурууны шарилд мөргөх нь нэгэн насны хамгийн их хүсэл мөрөөдөл билээ. Олон жилийн турш, Тайваний буддын шашны салбарынхан бурханы хурууны энэ шарилыг Тайванд аваачин тахин бараалахыг хүссээр ирсэн бөгөөд энэ талаар олон ажил хийж хүчин чармайлт гаргасан байна. Тайваний эх орон нэгтэй хүмүүсийн энэ хүсэлтийг биелүүлэхийн төлөө 2002 онд эх газрынхан бурхны хурууны шарилыг Тайванд аваачин тахихыг зөвшөөрсөн байна. Тухайн үед энэ арга хэмжээнд оролцсон Тайваний нэрт зүтгэлтэн Ляо Жэнхао эргэн дурсаж хэлэхдээ, Шагжа мун бурхны хурууны шарилыг 37 хоног тахиж Тайваний 4 сая гаруй иргэд бурхны хурууны шарилд мөргөл үйлдсэн байна. Үүнд угтаж мордуулсан хүмүүсийг оруулж тооцсонгүй юм. Энэ ажиллагаа нь Тайваний хоолойн хоёр эргийн иргэд хоорондын томоохон арга хэмжээ болсон гэжээ.

     1994 Тайланд улсын хүсэлтээр Шагжа мун бурхны хурууны шарилыг Тайландад нэг удаа аваачин тахиж сүсэгтэн олон мөргөл үйлдсэнээс гадна дахиж ер Шаань Шигээс гараагүй юм. Энэ удаа Тайванд аваачин тахиж мөргөхийг хоёр эргийнхэн маш чухалчлан үзсэн байна. Тухайн үед Тайваний хоолойн хоёр эргийн хооронд түрээсний онгоц явж эхлээгүй байсан тул нисэх онгоц Ши Анаас хөөрч Шянганаар дамжин онгоц солисны дараа Тайваньд хүрэх байсан юм. Хоёр эргийн шашины салбарын энэ томоохон үйл ажиллагааг баталгаажуулахын төлөө хоёр эргийнхэн эцсийн бүлэгт нисэх онгоц солихгүй онгоцны номерыг сольж Шянганаас шууд Тайвань хүрэхээр шийдсэн байна. Бурхны хурууны шарил Тайваньд хүрч тэндэхийн буддийн шашны сүсэгтэн олны удаан өдөр зузаан хоногийн хүсэл мөрөөдөл биелэгдсэн байна.

     Шагжа мун бурханы хурууны шарилыг Тайваньд тавьж мөргөл үйлдсэн хоёр эргийн хоорондын энэ томоохон арга хэмжээ нь Тайваний эх орон нэгтэй хүмүүсийн сэтгэлийг баярлуулсан байна. Хэрэг дээрээ амьдралд Тайваний эх орон нэгтэй ах дүү нарыг эх орны элгэн хайраар халамжлан тал бүрийн үйлчилгээ үзүүлэхийг эх газрын холбогдох салбарууд чармайн биелүүлсээр ирсэн юм.

     1997 оноос хойш, улам олон Тайваний бизнесмен эх газар ялангуяа ШааньШид хөрөнгө оруулан ажил үйлс хөгжүүлэх болсон байна. Тэдний хууль ёсны эрх ашгийг хамгаалахын тулд Шаань ши мужийн засгийн газар орон нутгийн хууль тогтоомж тогтоон засаг захиргааны дүрэм журмаар Хятадын төрийн зөвлөлийн " Тайваний эх орон нэгтэй хүмүүсийн хөрөнгө оруулалтыг хамгаалах хууль" болон "Тайваний эх орон нэгтэй хүмүүсийн хөрөнгө оруулалтыг хамгаалах хуулийн хэрэгжилтийн журам"-ыг нухацтай хэрэгжүүлж ирсэн байна.

     Тайваний хоолойн хоёр эргийн харилцаа тасралтгүй сайжирч, ялангуяа 2005 онд тухайн үеийн Гоминдан намын дарга Лянь Жань болон Чинь Миньдан намын дарга Сүн Чүюй нар Шаань Шид айлчилснаас хойш Тайваний бизнесмений сонирхлыг ихэд татах болж, Тайваний бизнесмений Шаань Шид хөрөнгө оруулах халуун өрнөлт гарсан байна. Зөвхөн 2005 онд Шаань шид ирж хөрөнгө оруулсан Тайваний аж ахуйн нэгж 29-д хүрч, аялал жуулчлалаар ирэгсэд 30 хувиар нэмэгдэж давхардсан тоогоор 100 мянгад хүрсэн байна. /Урангоо орчууллж, бэлтгэв/