Хятад улс бол хөдөө аж ахуйн том орон болох бөгөөд дэлхийн 6-р том хөдөө аж ахуйн бүтээгдэхүүн экспортлох орон болох юм. Өнөө дэлхийн ямарбаа орон болон бүс нутагт Хятадын хөдөө аж ахуйн бүтээгдэхүүнийг амархан олж харах болжээ. Хятадын үйлдвэрлэсэн эдгээр хөдөө аж ахуйн бүтээгдэхүү нь улмаас улам их гадаадын хэрэглэгчидийн магтаал сайшаалыг олж байна.

     Хятадад 4 жил ажиллаж, амьдарсан ноён Кирил. Саяг сурвалжлагчид хандан хэлэхдээ, Миний гэр Францад байдаг, энд хүмүүс Хятадын хөдөө аж ахуйн бүтээгдэхүүнийг байнг хэрэглэдэг байна гэжээ. Тэрээр хэлэхдээ,
Францын хотуудад, тэрчлэн нэлээд жижиг хотод ч гэсэн Хятад зоогийн газар, эсвэл Хятадын супер маркет харагддаг юм. Иймээс Хятадын хүнсний бүтээгдэхүүнийг маш амархан худалдан авдаг юм. Хятадын хүнсний бүтээгдэхүүнийг хүмүүс маш олноор худалдан авдаг юм, Би ч өөрөө Хятад зоогийн газард олон удаа орсон, хятад хоол их амттай юм гэжээ.

     Хятадын Шаньдүн мужийн хүнсний гадаад худалдааны Ань Чиү хязгаардмал хариуцлагатай компани бол хөдөө аж ахуйн бүтээгдэхүүн үйлдвэрлэх, боловсруулах, экспортлох том хэлбэрийн аж ахуйн нэгж болох юм. Тус компаний үндсэн хөрөнгө 500 сая юаньд хүрч, 6000 ажилчидтай, Хятадын 500 том хүнсний бүтээгдэхүүний аж ахуйн нэгж болох юм. Компаний үйлдвэрлэж боловсруулдаг хөдөө аж ахуйн бүтээгдэхүүн нь голцуу хүнсний ногоо, жимс, мах махан бүтээгдэхүүн зэрэг болох юм. Өнгөрсөн жилийн борлуулалтын орлого нь 560 сая юаньд хүрч, бүтээгдэхүүнээ Япон, Өмнөд Солонгос, Америк, Европын холбоо зэрэг орон болон бүс нутагт борлуулсан байна.

     Ань Чиү компаний Бө Чай үйлдвэрлэдэг цехд ороход ажлын дүрэмт хувцас өмссөн ажилчид үйлдвэрлэлийн сугамын дэргэд ажиллаж байлаа. Танилцуулсныг үзвэл, Эдгээр тэргүүний үйлдвэрлэлийн сугамыг Америк, Япон зэрэг орноос худалдан авсан бөгөөд дэлхийн тэргүүний төвшинд хүрсэн байна. Ань Чиү компаний Ерөнхий захирал хатагтай Лиү хай янь манд Бө чай хөлдөөх явцыг танилцууллаа. Тэрбээр хэлэхдээ,

     Манай үйлдвэрлэлийн бүтээгдэхүүн бол хөдөө аж ахуйн бүтээгдэхүүнээр гол болгож байгаа юм. Манай технологийн явц бол түүхий материал хянан шалгаж авах, дараа нь сонгож, арилгах, үүний дараа халуун усаар угаах, дараа нь дахин сонгож, хөлдөөсний дараа экспортоор гаргадаг юм гэжээ.

     Иймэрхүү ариун цэвэр, аюулгүй үйлдвэрлэлийн орчин ахуйд Ань Чиү компаний боловсруулсан хөдөө аж ахуйн бүтээгдэхүүн бөөн бөөнөөр үйлдвэрлэгдэж, гадаадад борлуулагдаж байгаа юм байна.

     Хятад улсад Ань Чиү мэтийн хөдөө аж ахуйн бүтээгдэхүүн боловсруулдаг аж ахуйн нэгжүүд бас маш их байгаа юм .

     Тэдний гадаадын зах зээлд хангаж байгаа хөдөө аж ахуйн бүтээгдэхүүний төрөл зүйл маш их юм. Үүнд усан аж ахуйн бүтээгдэхүүн, үр тариа, хүнсний ногоо, мах махан бүтээгдэхүүн болон жимсний зүйл багтаж байна. 2003 онд Хятадын экспортлосон хөдөө аж ахуйн бүтээгдэхүүний нийт хэмжээ 20 тэрбум гаруй америк доллард хүрч, бүтээгдэхүүнээ Америк, Япон, Өмнөт Солонгос, Австрал, Европын холбоо зэрэг 200 гаруй орон болон бүс нутагт экспортлосон байна.

     БНХАУ-ын Чанар, хорио цээрийн хяналт шалгалтын ерөнхий газрын хүнсний бүтээгдэхүүний импорт, экспортын аюулгүйн ажил эрхэлэсэн газрын дарга ноён Ли Юаньпин сурвалжлагчид хандан хэлэхдээ,
Экспортоор гаргаж байгаа хүнсний бүтээгдэхүүн болон хөдөө аж ахуйн бүтээгдэхүүн бохирдохыг эх үүсвэрээс нь сэргийлэхийн төлөө тарьж ургуулах болон тэжээврийн баазийн бүтээн байгуулалтыг эрчимжүүлж байна. Үүний төлөө бид голцуу компани дээр дахин бааз байгуулах хэлбэрээр холбогдох засгийн газрын салбаруудтай нааштай хамтран ажиллаж, эх үүсвэрээс нь хүнсний бүтээгдэхүүн болон хөдөө аж ахуйн бүтээгдэхүүний чанарыг дээшлүүлж байна гэжээ.

     Өнөө Хятадын маш олон хөдөө аж ахуйн экспортын аж ахуйн нэгжүүд өөрийн үйлдвэрлэлийн баазтай болж, нэгдэлтэй удирдаж байна. \Г. Сайн-Өлзий бэлтгэв.\