Бээжин шиний алдарт урлагчин Мэй Ланфан бол Жянсу мужийн Чинжөү хотын хүн, урт хугацаа Бээжин хотод амьдарч байсан юм. Мэй Ланфан ши жүжгийн урлагчины гэрт төрж, түүний өвөг аав, өөрийн аав, их авга аав нь бүр алдарт урлагчин буюу төгөлдөр хуурчин хүн байв. Түүний ээж аав нь эрт нас барж, өөрөө их авга аавийнха гар дээр хүн болжээ. Тэр 8 настайгаасаа ши жүжиг тоглох мэргэжил сурч, 9 настай байхдаа Ү Линсяньд шавилан идэр жүжигч эмэгтэйн дүрд тоглохыг сурч, 10 настай тэр жилдээ анх тайзанд гарч нэхмэлчин эмэгтэйн дүрд тоглож, 14 настайдаа жүжгийн баг даган тоглолтод оролцсон байна. Үүний зэрэгцээ тэрээр Ү Линсянь багшаасаа ши тоглох мэргэжлийг үргэлжлэн сурч, бас Чинь Яафэн болон Хү Эргэнээс эмэгтэй ходогчны дүрд тоглох урь мэргэжил сурсан бөгөөд Күнчюй жүжиг, зэвсэгийн эрдэм зэргийг сурч, эмэгтэй жүжигчний дүртэй ши болон янз янзийн дүрийн тоглох мэргэжлийг нарийн хичээнгүй сурсанаар, хойшдын урлагийн зохион бүтээх ажилдаа бат бэх үндэс суурь тавьж өгсөн байна. 1913-1914 онуудад тэр хоёр удаа Шанхайд хүрч тоглосонд жүжгийн театарт үзэгч пиг дүүрчээ. Тэрээр Шанхайд байх тэр хэтхээн хоногт ойр үеийн, орчин үеийн сэдэвтэй шинэ ши сонирхож, өөрийнх нь урлагийн үзэл санааны бүрэлдэн хөгжихэд нааштай нөлөө үзүүлсэн байна. Үүнээс хойш Мэй Ланфан үлэмж олон шинэ ши тоглосон бөгөөд урлаөгийн өөрчлөлт шинчлэлтийн замаа эхлүүлсэн юм.

     1915-1916 оны 9-р сар хүртэл Мэй Ланфан моод хувцаст шинэ ши, эртний хувцаст хуучин ши, Күнчю ши зэрэг 11 шинэ ши боловсрон тогложээ. Тэрээр уламжлалт шиний төрлийг нааштай уудлан эмхэтгэж, бээжин шиний урлагийн хөгжилд урьдахыг залгамжлан хойших хүмүүст уламжлах чухал үүрэг гүйцэтгэсэн байна. Мэй Ланфангийн урлагийн талаархи гарамгай амжилт нь гадаадын зүтгэлтний анхаарлыг татаж, 1949 онд тэрээр Японд 2 удаа, Америкт 1 удаа, ЗХУ-д 1 удаа хүрч тоглосон байна. Хүрсэн газар болгондоо үзэгч олны халуун тусгал хүлээж, өндөр үнлэгдсэн бөгөөд Америкийн Ромона их сургуулийн болон Өмнөд Калифорнияа их сургуулийн уран зохиолын хүндэт докторын цул хүртсэн юм. Мэй Ланфан гарамгай урлагийн зүтгэлтэн төдийгүй бас агуу их эх оронч юм. 1931 онд " 9.18"-ийн хэрэг хувьслын дараа тэрээр Шанхайд Японы түрэмгийлэлийг эсэргүүцсэн агуулгатай олон ши тоглож, эх оронч халуун сэтгэлгээ илтгэсэн байна. Японы түрэмгийлэгчид эх ороныг эзлэсэн үед тэрээр тоглолтод оролцохоос татгалзаж, өөрийн бичсэн уран бичлэг буюу зургаа худалдан амь золгож, урлагчин хүний эх оронч халуун зоригтой байсан юм. БНХАУ байгуулагдсаны дараа Мэй Ланфан БНАСАУ-д олон удаа хүрч, сайн дурын армийг тохинуулах тоглолтод оролцож, 1956 онд дахин Японд хүрч тоглоод, хоёр орны ард түмний найрамдал ойлголцлыг нэмэгдүүлсэн банйа. 1957 оны 11-р сард тэрээр Хятадын хөдөлмөрчин ард түмний төлөөлөгчийн хувиар, ЗХУ-ын октяберийн социалист хувьсгал ялсаны 40 жилийн ойг тэмдэглэх өргөн цуглаанд оролцсон байна. 1959 онд ХКН-д элсүүлж, 65 настай мөн тэр жилдээ " Мү Гүйин гавшгайлсан нь" гэсэн шинэ ши боловсрон тоглосон нь түүний бүх насны хамаг сүүлчийн тоглосон ши болсон байна. 1961 оны 8-р сарын 8-ны өдөр зүрхэн өвчинээр Бээжинд нас барсан байна. /Пэрлаймаа орчуулав/