Сүлжмэл эдлэл нь сонирхолтой хүмүүсийн ажлын зав зайгаар хийдэг ажил юм. Гэтэл зарим газар сүлжмэл эдлэл нь олон гэр бүлийн орлогын эх үүсвэр болсон байна. Хятадын дорнод нутгийн Жэ Жян мужийн Хан Жөү хотын Хөдөлмөр гудамжийн "эмэгтэйчүүдийн сүлжмэл эдлэлийн хоршоо" нь ажлаас халагдсан олон хүний амьдралын асуудлыг шийдсэн байна.

     2003 оны 3-р сард байгуулагдсан "Эмэгтэйчүүдийн сүлжмэл эдлэлийн хоршоо" нь өнөө 500 гаруй ажилчин ажилтантай болжээ. Тэд гол нь ноосон утасаар сүлжмэл эдлэл сүлжих, хүүхэлдэйн хувцас, малгай, гар урлалын бүтээгдэхүүн оёж хийдэг байна. Ажилласны хирээр нь цалинжуулдаг учир илүү хийвэл илүү олж, хурдан оёж хийдэг нэг эмэгтэй ажилчин сард хоёр мянга гаруй юаний цалин авдаг байна.

     Хөдөлмөр гудамж хороололын 40—50 орчим насны ажлаас халагдсан нэг бүлэг этэгтэйчүүд мэргэжил байхгүй учираас дахин ажлаар хангагдахад бэрхшээл ихтэй байжээ. Орон сууцны конторын албан хаагчид эдгээр эмэгтэйчүүдийн ажилаар хангагдах асуудлыг зохицуулахын төлөө тэд нарын гэрээр хүрч айлчлан байдлыг нь ойлгосон байна. Нэг эмэгтэйн гэрт нарийн сайхан сүлжсэн сүлжмэл эдлэлүүд өлгөж байгааг хараад тэд ажлаас халагдсан эдгээр эмэгтэйчүүдийг зохион байгуулан сүлжмэл эдлэлийн хоршоо байгуулахаар шийдсэн байна.

     Удсангүй хороолол нь гэр түрээсэлж, "Эмэгтэйчүүдийн сүлжмэл эдлэлийн хоршоо" гэсэн нэртэй хоршоо байгуулсан байна. Уг хоршооны анхны гишүүн хатагтай Жан Юүньгү хэлэхдээ, Анх эхлэх үед дөрөв тавхан хүнтэй, хүүхэлдэйн хувцас гэжиг зэргийг хийж ажлын алхам бүрд хүндрэл бэрхшээл учирч байсан. Ажилд элсэх зарыг хараад хүмүүс ирж бүртгүүлэн аажмаар хүн нэмэгдэж, бид бас айлуудаар явж хуучин оёдлын машин худалдан авч ажил үйлс ингэж аажмаар өргөжин хөгжсөн юм гэжээ.

     Яваандаа хоршоонд ажлаас халадгсан дөч тавин эмэгтэйчүүд оролцож , өөр өөрийн авьяас чадвараа гарган ажилснаар олон янзын өнгийн сайхан гар урлалын бүтээгдэхүүн, сүлжмэл эдлэл хийж бүтээсэн байна. Гэтэл хийж бүтээсэн зүйлээ борлуулах нь чухал асуудал болж тавигдгсан байна. Орон сууцны конторын албан хаагчид арга бүхнийг сзвэгчлэн аялал жуучлалаар ирэгсэд олон хүрдэг Хан Жөүгийн эртний эдлэл зардаг захын дэлгүүр пүүст эдгээр гар урлалын бүтээгдэхүүн сүлжмэл эдлэлийг тавьж боруулсан байна.

     Сүлжмэл эдлэлийн хоршооны хариуцлагатан хатагтай Шю Чимин хэлэхдээ , сүлжмэл эдлэлийн хоршоонд ажиллаж байгаа эмэгтэйчүүдийн хувьд өөрийн хөдөлмөрөөрөө цалин олж амьдралаа авч явж байгаа төдийгүй нэн чухал нь өөртөө итгэлтэй болсон явдал мөн гэжээ.

     Өнөө уг сүлжмэл эдлэлийн хоршоо нь жил ирэх тутам нэр нөлөөтэй болж ажил төрөл нь өргөжин хөгжиж ашиг орлого нь иэхээр нэмэгдсэн байна. Бүтээгдэхүүний чанар нь сайн, захиалагыг цагд нь биелүүлж ирснээр аж ахуйн нэгжийн итгэлийг хүлээж Жэ Жянгийн олон нэрт аж ахуйн нэгж уг хоршоотой урт хугацааны бараа бүтээгдэхүүн нийлүүлэх гэрээ тохиролцож, тогмоом, хувцас, сүлжмэл эдлэл зэрэг нь Америк, Герман, Япон зэрэг оронд борлуулагдаж байна. /Урангоо орчуулж бэлтгэв/