Олимпийг зохион байгуулах тохиолдлын дагуу хотын дүр төрхийг цаашид өөрчлөх болно гэж 2008 оны олимпийг зохион байгуулах эрхийн төлөө өргөдөл дэвшүүлэх үеэр Бээжин хот даруй амалж байсан юм. Өнөө, олимпийн бэлтгэл ажиллагаа тасралтгүй гүнзгийрэхийн хэрээр, Бээжин хотын төрх байдалд шинэ өөрчлөлт гарсаар байна.

     Хөгжиж байгаа том хотуудтай адилаар, Бээжингийн хот тохижилтод ч олон асуудал оршиж байгаа юм. Жишээлбэл, олон давхар байшингийн дунд хуучин хашаатай байшин хүрээлэгдсэн, саруул дэгшхэн гудамжны дэргэд замбараагүй барилга баригдсан зэрэг. Бээжин хотын бүтээн байгуулагчид эдгээр байдлыг өөрчлөхөөр олон жил чармайсаар ирсэн бөгөөд олимпийн наадамд бэлтгэх ажиллагаа нь энэ ахицыг нэн ч түргэн болгожээ.

     Бээжингийн байгаль орчин, байгуулалтын командлалын газрын хариуцлагатан Лү Хайжюнь хэлэхдээ, Бээжин хот 2006 онд хот тохижилтын замбараагүй байдлыг өөрчлөлх төлөвлөгөөгөө үндсэнд нь биелүүлсэн юм, 2007 он нь олимпид бэлтгэх шийдвэрт ач холбогдолтой жил, Бээжингийн хүрээлэн байгаа орчныг цэгцлэх гол зорилт нь олимпид гэрэл гэгээ нэмэрлэх явдал болно гэжээ.

     Бээжингийн хот тохижилтын замбараагүй байдлыг өөрчлөх гол тал нь "хотын дундах тосгон"-ыг өөрчлөн байгуулах явдал юм. "Хотын дундах тосгон" гэдэг нь Бээжин хот өндөр хурдцаар хөгжих явцад үлдэж ирсэн цаг үеийн хөгжлөөс хоцрогдсон, амьжиргааны төвшнөөр нэлээд дор байгаа оршин суугчдын хорооллыг зааж байна. "Хотын дундах тосгон"-д тогтоолоос зөрчиж баригдсан барилга, зам гудамжийг хууль бусаар эзэлсэн байдал ноцтой оршиж, Бээжин хотын хүрээлэн байгаа орчин болон зам харилцааг сөргөөр нөлөөлсөн юм. 2006 онд Бээжин хот, хот дундах нийт 55 тосгоныг нурааж, энд амьдарч байсан оршин суугчдыг амьдралын нэн таатай орчинтой шинэ хороололд нүүлгэсэн байна. Зарим хот дундах тосгон нь бээжингийн уламжлалт онцлогтой гудамжинд байрладаг учраас, Бээжингийн хот тохижилтын газар эдгээр тосгоныг өөрчлөх явцад уламжлалт соёл, уулын дүр байдлыг хадгалахаар нэлээд их хүчин чармайлт гаргасан байна. Энэ ажиллагааг мэргэжилтнүүд дээд хэмжээгээр үнэлжээ.

     2007 оны хот тохижилтын ажлын гол тал нь төв гудамж, гол дүүрэг, олимпийн талбай ордны эргэн тойроны болон замын хажуу дах байгаль орчны байгуулалтыг сайтар хийх явдал болно.