Цао Баомин бол иргэдийн зан үйлийн эрдэмтэн. 30 гаруй жилийн турш тэрээр алс бойд аглаг ууланд гүнзгийрэн, хүн амьтан төдий л ойлгохгүй иргэний соёлын хэлбэрийг хайн тэмдэглэж ирсэн бөгөөд түүний хүчин чармайлтаар анчин бүргэдийн соёлыг багтаасан ардын хэсэг соёл олон нийтийн анхаарлын төвд орсон байна.

     Хятадын зүүн хойд нутгийн Гирин мужийн уулархаг районд хэдэн зуун жилийн турш тухайн орон нутгийн хүмүүс бүргэд агнах болон бүргэд тэжээх уламжлалтай байж, анчин бүргэдийн өвөрмөц соёлыг бүрэлдүүлсэн юм. Гэвч Цао Баомин ном бичигтээ энэхүү соёлын нарийн зүйлийг бичиж гаргахаас өмнө ардын энэхүү соёлыг уулархаг нутгийн цөөн тооны ард мэдэхээс биш, бусад хүмүүс ер нь мэддэггүй байсан бөгөөд устах дөхсөн байв. Энэ ном бол даруй Цао Баомингийн саяхан хэвлүүлсэн " бүргэд агнагч хамаг сүүлчийн хүн" гэсэн тэмдэглэлт уран зохиолын ном болох юм.

     Энэ номд Хятадын зүүн хойд нутагт 400 гаруй жил үргэлжилсэн бүргэд агнах соёлыг нарийн сайхан тэмдэглэсэн байна. Энэ бүх номд гэрэл зураг, зурсан зураг, ярьсан тэмдэглэл зэргээр анчин бөргөдийн соёлын түүх, бөргөд барих, бөргөд сургах урь мэргэжлийг амьдлаг сайхан үзүүлж, хүн болон бөргөдийн нэг нэгнээсээ салж чадахгүй хайр сэтгэлийг нэгд нэгээр илтгэжээ. Энэ номыг зохиолч маань аглаг ууланд гүнзгийрч, анчин Жао мИнжээтэй хоёр жил хамт амьдарч байж бичсэн байжээ. Цао Баомин хэлэхдээ:

     Бараг л хоёр жил би түүнтэй хамт байж, түүний бөргөд барих явцыг нь, яаж барих, яаж сургах, сүүлээр нь яаж тавих, мөн түүний ярьсан бүх зүйлийг тэмдэглэж авахын төлөө түүний бөргөө гэрт, ууланд үргэлж хамт байсан юм. 400 жилийн дотор энэ соёл алдагдах дөхсөн байна. Биет бус соёлын өв гэж юүг хэлэх бэ? Тэр бол хүн төрөлхтний оюун ухаан байгаа юм. Явц, урь мэргэжил, мэргэжлийг чухалчилдаг юм. Бид бөргөд барих мэргэжлийг тэмдэглэж авах нь чухал, гэвч бид бол бөргөдийг хамгаалахыг эрхэмлэж байна. Бидэнд энэ соёл хэрэгтэй, бөргөд баригч анчин хүний оршин амьдарч байгаа түүхийг судлах нь манай иргэдийн зан үйлийн судалгааны мэргэжилтэн нарын хийх ёстой ажил юм гэжээ.

     Энэ жил 58-тай Цао Баомин уул нь их сургуулийн багш байсан юм. Өнгөрөгч зууны 70-аад онд оюутадаа дагуулан иргэдийн соёл шүүмгийн ажил хийж явсанаа иргэдийн зан үйлийг судлах замд орсон юм байна. /Пэрлаймаа орчуулав/