Хятадын дорнодын Ань Хүй мужийн Сүэ Жөү хотын Юүн Чао районыг Хятадын циркийн өлгий нутаг гэдэг. Юүн Чаогийн эртний Хай Зы сүмд морит баатар эр ар хойшоо нум сум харваж байгаа хоёр мянган жилийн өмнөх нэг чулуун сийлмэлийг хадгалж байдаг. Энэ нь эртний Юүн Чаогийн хүмүүсийн цирк тоглож байсныг гэрчлэх анхны гэрч мөн гэж хэлж болно. Юүн Чао нь нам дор тал газар тул дээр үед үерийн гамшигт байн байн нэрвэгдэж зарим хүн амьдрахын төлөө гадагш дүрвэн явж, аян замдаа элдэв зүйлийн тоглолт гаргадаг байжээ. Энэ нь аажмаар орон нутгийн онцлогтой цирк болж хөгжсөн байна.

     Сургууьтай амьтан тоглуулах нь Юүн Чаогийн циркийн онцлог юм. 35-тай Ү- Ган бол амьтан тоглуулхадаа маш чадамгай хүний нэг. Амьтан сургах нь маш аюултай ажил , би олон удаа аюулд тулгарч байсан гэж тэр хэллээ. Тэрээр цааш нь, 1993 оны сүүлчээр Ань Хүй мужийн Бө жөүд циркийн тоглолт гаргаж байгаад бартай барилдах явцад бар дургүй нь хөдөлж миний толгойг зуусан , хамтран тоглогч нөхрийнхөө ачаар амьтай гарсан гэжээ. Амьтан сургах нь хэдийгээр аюултай боловч Юүн Чаогийн хүмүүс энэ мэргэжилд тун сонирхолтой юм. Амьтан сургах нь түүнийг эрхшээлдээ оруулах биш, харин амьтантай хамтран ажиллаж байна гэж Юүн Чаогийн хүмүүс үздэг.

     Амьтан сургагч мастер Лин Жи танилцуулж хэлэхдээ, бид амьтныг сургахдаа амтат зүйлээр өгөөш болгон шинжлэх ухаанчаар сургах, гуядаж зодохыг цээрлэн амьтныг хамгаалах аргыг тууштай хэрэгжүүлж байна. Бид шинжлэх ухааны онолын судалгаа хийж амьтныг сургах үр дүнтэй аргыг хайн , баавгай, арслан, чоно зэрэг догшин амьтныг сургаж,сургагчийн командаар үзүүлвэр гаргаж чадах болгосон гэжээ.

     Арван хэдэн жилийн өмнө Лин Жид тохиосон нэгэн үйл явдал амьтан сургах мэргэжилээрээ ижил төрлийн мэргэжилтнүүдээс бүр давсан гэдгийг нь гэрчилсэн бөгөөд Лин Жи түүнээрээ бахархаж явдаг. Тэрээр баяртайгаар хэлэхдээ, 1994 оны 9-р сарын 28-ны өдөр бүх Хятадын зэрлэг амьтны анхны хүрээлэн -- Шэнь Зэний зэрлэг амьтны хүрээлэн нээгдэхэд намайг бар сургагчаар томилсон юм гэжээ.

     Уул нь бүх Хятадын зэрлэг амьтны анхны хүрээлэн-- Шэнь Зэний зэрлэг амьтны хүрээлэн нээгдэхэд бэлэн болж, цэцэрлэгт хүрээлэн нь ОХУ-аас бар сургах мастер урьж, амьтны хүрээлэн нээгдэх өдрийн тоглолтод бэлтгэсэн байна. Амьтны хүрээлэн нээгдэхээс арван хэдхэн хоногийн өмнө Орос мастер төлөвлөгөөг биелүүлж чадахгүй гэж өргөдлөө өгөөд явсан байжээ. Амьтны хүрээлэнгийнхэн арга буюу Юүн Чаогийнхантай яаралтай харилцаж Лин Жийг томилсон юм.

     Лин Жи хэлэхдээ, амьтны хүрээлэн нээгдэхэд арван өдөр л үлдэж үүрэг их тулгам байсан, би хамтран зүтгэгч хэдэн хүний хамт арав хоног өдөр шөнөгүй ажиллаж эцсийн бүлэгт амьтны хүрээлэн нээгдэх өдрийн ажиллагаанд барыг амжилттай тоглуулж чадсан. Амьтны хүрээлэнгийн дарга, ер нь манай нутгийн мэргэжилтэн мундог гэж үнэлсэн юм гэжээ.

     Юүн Чаогийн цирк Хятад даяарт нэртэй байдгаас гадаад орнууд ч Юүн Чаогийн циркийн хамтлагийг урьж тоглуулах болж, 1998 оноос Вьетнам, Америк, Канад зэрэг оронд илгээсэн циркийн хамтлагууд бүр их амжилтад хүрсэн байна. Өнөө Юүн Чаод циркийн хамтлаг 300 гаруй, циркийн ажил эрхэлж байгаа хүн 10 мянга гаруй байж, жилийн орлого нь 200 сая юаньд хүрч байна. /Урангоо орчуулан бэлтгэв/