Бээжин хотын эрүүл мэндийн газрын даргын орлогч Дэн Шиохун сүүлийн үе манай сурвалжлагчид хэлэхдээ, Бээжингийн олимпийн эмчилгээний баталгааны ажил хамгийн яаралтай үедээ орсон байна. Олон орны тамирчин, албаны хүнд чиглүүлэн эмчилгээний үйлчилгээ болон эрүүл мэндийн гэнэтийн хэргийг зохицуулах ажил алхам дараатай явагдаж байна. 2008 оны олимпийн үеэр, эмчилгээний үр ашигтай, дүрэмжсэн, дөхөм дүт үйлчилгээг хангахад бэлэн байна гэжээ.

      2008 оны Бээжингийн олимпийн эмчилгээний баталгааны ажлыг хоёр хэсэгт хуваах болно. Нэг нь, олмпийн наадмын тэмцээнтэй шууд холбогдох дотоод гадаадын тамирчин, албаны хүнд чиглүүлсэн эмчилгээ. Нөгөө нь, хотын хэмжээний гэнэтийн хэргийг зохицуулах эичмлгээний баталгааны системийг байгуулах явдал болно. Өнөөгийн байдлаар энэ хоёр талын бэлтгэл ажиллагаа урагштай явагдаж байгаа юм.

      Дэн Шиохун цаашид хэлэхдээ, өнөө Бээжин хотод биеийн тамир спортын ордон 36, дасгал хийх талбай ордон 41, тэмцээний бус талбай ордон 7 байгаа, тамирчины хотхон болон талбай ордонд чиглүүлж, эмчилгээний баталгаа хангах ажлын төлөвлөгөөг боловсруулсан бөгөөд олимпийн 20 эмнэлэгийг тогтоосон байна. Тухайн үед эдгээр эмнэлэг нь яаралтай тусламж үзүүлж, эичмлгээний үйлчлэгийг хангах болно гэжээ.

      2008 оны олимпийн дараахан пара олимп мөн Бээжинд болох учраас холбогдох шаардлагын дагуу, зарим эмнэлэгт саадгүй тоног төхөөрөмжийг угсруулан байгуулж байна. Үүнээс гадна, эмчилгээний хүмүүсийн сургалт, гадаад хэлний тэмдгийг дүрэмжүүлэх явдлыг ч нааштай ахиулж байгаа юм.

      Эрүүл мэндийн гэнэтийн хэргийг зохицуулах талаар, Бээжин хот өнөө хол ойрын дүүргүүдийг хамарсан түргэн дуудлагын системийг байгуулж байгаа юм. Одоогийн байдлаар олон нийтийн эрүүл мэндийн гэнэтийн хэргийг зохицуулах бодлогын систем болон командлалын газрыг анх алхам байгуулсан байна. Бүх бээжингийн хэмжээнд 700 гаруй томоохон эмнэлэг гарч мэдэх халдварт өвчний дэлгэрэнгүй байдлыг сүлжээн дээр мэдүүлж чадах болсон юм. Бээжин хотод бас хүнд халдварт өвчнийг хяналтдаа авч туршин шалгах цэг болон ажлын тусхай байгууламжийг байгуулсан байна. Үүнээс гадна, жуулчлагсдын их очдог үзэмжит газруудад авран туслах цэгүүдийг ихээр байгуулсан юм. Дээр дурдсан арга хэмжээгээс гадна, Бээжин хот олон нийтийн гэнэтийн хэргийг зохицуулах олон төслүүдийг тогтоосон байна.