Хятадын Жиү Сань сурч судлах нийгэмлэг бол шинжлэх ухаан техникийн салбар дахь сэхээтнүүдээс бүрэлдсэн улс төрийн холбоо, ХКН-тай нягт хамтран ажиллах улс төрийн нам юм. Олон жилийн турш, эрдэмтэн мэргэжилтнүүд төвлөрч ирсэн уг холбооноос авьяас чадвартай эмэгтэй боловсон хүчнүүд Бүх Хятадын УТЗЗ-ийн гишүүнээр сонгогдож, улс төрийн үйл хэргийг авч хэлэлцэн засаг төрийн ажилд оролцох үйл явцад хүчин зүтгэж ажиллаж ирсэн байна.

      Бүх Хятадын УТЗЗ-ийн гишүүн, Шанхай хотын УТЗЗ-ийн орлогч дарга Шие Лижуань 20-р зууны ная ерээд оны үед Шанхай хотын орлогч даргаар ажиллаж байхдаа ард иргэдийн нийгэмийн асуудлыг зохицуулах ажлыг ажлынхаа тэргүүн байранд тавьж хийж гүйцэтгэж ирсэн хүн юм. 20-р зууны ерээд оны үед түүний чармайж зүтгэсний үрээр Шанхай хот "цэцэрлэг, дунд, бага сургуулийн хүүхдийн эрүүл мэндийн даатгалын дүрэм" хэрэгжүүлсэн байна. Жилд давхардсан тоогоор 50-60 мянган хүүхэд багачууд эрүүл мэндийн даатгалын ач тусыг нь хүртэж байна. Шие Лижуань хэдийгээр Шанхай хотын орлогч даргын тушаалаа өгөөд хэдэн жил болж байгаа ч Бүх Хятадын УТЗЗ-ийн гишүүний үүрэг хариуцлагаа гүйцэтгэн эвсэг зохицонгуй нийгэм байгуулах үйлст үргэлжлэн зүтгэж байна. Тэрээр хэлэхдээ, арван жилийн өмнө би " хот орж ажил хийж байгаа тариачдын үр хүүхдийг шинэ эриний бичиг үсэг үл мэдэгчид болгохоос зайлуулъя " гэсэн төсөл дэвшүүлсэн юм. Боловсролын салбар тэр даруйд нь хүлээн авч энэ асуудлаар судалгаа хийх бөгөөд зохицуулах төсөл гаргана гэж хариу өгсөн. Ингээд 2004 онд Засгийн газар " хот орж ажил хийж байгаа тариачдын үр хүүхдийг заавал сургах боловсролд хамруулахыг баталгаажуулах" шинэ тогтоол гаргасан билээ. УТЗЗ-ийн гишүүний хувьд бид энэ тогтоолын хэрэгжилтэд хяналт тавин ажиллаж байна гэжээ. Сүүлийн хэдэн жилд Засгийн газар болон нийгмийн олон салбарынхны идэвхтэй оролцоотойгоор хот орж ажил хийж байгаа тариачдын үр хүүхдийн боловсрол олох асуудал алхам дараатай зохицуулагдсанд гишүүн Шие Лижуань маш баяртай байна. Энэ 3-р сарын 5-д хуралдсан БХАТИХ-ын чуулган дээр Ерөнхий сайд Вэнь Жябао засгийн газрын ажлын тайландаа хөдөө тосгоны заавал сургах боловсролд хөрөнгө оруулалтаа нэмэгдүүлж бүх хүүхдийн сургуульд сурахыг баталгажуулна гэж илэрхийлсэн байна.

      Бүх Хятадын УТЗЗ-ийн гишүүн, Гирэн мужийн УТЗЗ-ийн орлогч дарга Ли Хүйзэнь бол машин механикийн мэргэжилтэн болохоор тоног төхөөрөмжийн талын хөрөнгө оруулалт түүнийг ашиглаж байгаа байдалд анхаарлаа хандуулдаг. Сүүлийн жилүүдэд Хятад улс тоног төхөөрөмжийг олноор оруулж ирсэн боловч тэр бүгд сайн ашиглаж чадахгүй цаашилбал зэв суулган хаягдал болгоход хүргэж байгаагЛи Хүйзэнь хараад сэтгэл зовох болжээ. Тэрээр хэлэхдээ, 2005 онд би Бүх Хятадын УТЗЗ-ийн байнгын хороонд энэ талын асуудлыг дэвшүүлсний дараа олон тал зохицуулалт хийгээд хагас жилийн дараа эд барааны гүйлгээний Хуа Лян корпорацийг байгуулж, тоног төхөөрөмжийг бүрэн сайн ашиглах асуудлыг шийдсэн байна гэжээ.

      Бүх Хятадын УТЗЗ-ийн гишүүн, Хү Нань мужийн УТЗЗ-ийн орлогч дарга Лү Гуаншиү бол анагаах ухааны мэргэжилтэн, орон нутгийн өвчнийг эмчлэн сэргийлэх талаар амжилт гаргасан хүн юм. 20-р зууны 90-ээд онд тэр Хятадын хэмжээнд йоджуулсан давсыг нэвтрүүлэхэд асар их хувь нэмэр оруулсан байна. 1989-1993 онуудад тэр эмнэлгийн хэсэг удирдан хатуужилтай судалгаа шинжилгээ хийж уг мужийн "оюуны согогтой тосгон"-д газар дээр нь ажиллаж йодын хомсдлоос болж уг тосгоны хүн амд оюуны согогтой хүн нилээд тоог эзэх болсон гэсэн дүгнэлт гаргаж,үүнээ төв засгийн газарт тайлагнасан юм. Үүний дараахан засгийн газраас хүнсний давсыг йоджуулах ажлыг орон даяарт нэвтрүүлсэн билээ. Энэ оны чуулганд Лү Гуаншиү "ажил мэргэжлийн өвчнөөс сэргийлэх ажилд эрч хүчээ цаашид нэмэгдүүлэх тухай төсөл" дэвшүүлсэн байна. /Урангоо орчуулж бэлтгэв/