Сүүлийн жилд Хятад Орос хоёр орны аялал жуулчлалын салбар дахь харилцаа холбоо тасралтгүй хөгжиж, Орос улсад Хятадын маш олон аянчин жуулчид жуулчлан хүрч байна. Хоёр орны аялал жуулчлалын салбар дах харилцаа холбоо хамтын ажиллагааг цаашид бэхжүүлэхийн төлөө Орост явагдах "Хятадын жил"-ийн арга хэмжээнүүдийн нэг болгож, Хятадын аялал жуулчлалын үндэсний ерөнхий газар 20-ны орой Москвад "Хятадын аялал жуулчлалын үдэш" томоохон үдэшлэг зохион байгуулсан байна.

      20-ны орой Москвагийн Реналссанки зочид буудалын дайллагын танхимд зочид дүүрч яриа хөөрөө болж, Хятад Оросын нийрамдлын халуун дотно уур амьсгалаар бялхаж байлаа. Орост болж байгаа "Хятадын жил"-ийн арга хэмжээнд төлөөлөгчдийн хамт оролцож байгаа Хятадын Аялал жуулчлалын үндэсний газрын дарга Шао Чивэй юуны өмнө үг хэллээ.

      Тэрээр хэлэхдээ, Орост болж байгаа "Хятадын жил"-ийн арга хэмжээний хугацаанд Московад зохион байгуулсан "Хятадын аялал жуулчлалын үдэш" үдэшлэгт оролцон, Хятад Орос хоёр орны аялал жуулчлалын харилцааны энэ өргөн их үйл ажиллагааг эрхэм та нартай хамтаар гэрчилж байгаадаа маш баяртай байна гэжээ.

      Хятадаас ОХУ-д суугаа онц бөгөөд бүрэн эрхэт элчин сайд Лэ Юйчэн "Хятадын аялал жуулчлалын үдэш" үдэшлэг Московад болсонд баяр хүргэв.

      Тэрээр хэлэхдээ, энэ сайхан үдэшлэг маань Хятад улсын дарга Хү Жиньтао удалгүй Орост албан ёсны айчлал хийхээр байгаа, мөн Орост болох "Хятадын жил"-ийн ажиллагааг нээх гэж байгаа байдалд болсноороо онцлог болж байна. Энэ арга хэмжээ нь мөн ч Орост болох "Хятадын жил"-ийн чухал арга хэмжээний нэг юм. Иймээс энэ оройн үдэшлэг нь онцын ач холбогдолтой юм гэжээ.