2008 оны Бээжингийн олимп нь өдрөөс өдөрт дөхөж ирлээ. Олимпийн наадам нь урт удаан жилийн түүхтэй болсон юм. Түүнийг ерөнхийд нь эртний үеийн олимп болон орчин үеийн олимп гэж хоёр хэсэгт хуваадаг. Өнөөдөр та бүхэндээ орчин үеийн анхны олимпийг танилцуулъя.

      1896 оны 4-р сарын 6-ны өдрийн үдээс хойшийн 3 цагт, Грекийн ван Жон нэгдүгээр орчин үеийн анхны олимпийн нээлтийг тунхалж, Гобертин зэрэг Олон улсын олимпийн хорооны албаны хүн нээлтийн ёслолд оролцсон юм. Тухайн нээлтийн ёслолын тоглолтод төв эрхэмсэг сонгодог чавхдаст хөгжмийг хөгжимдөж, 1958 онд Олон улсын олимпийн хороо нь энэ хөгжмийг олимпийн сүлд дуугаар тогтоосон байна. Энэ дууны хөгжмийг грек хүн Самарас зохиож, шүлгийг Паламас бичжээ. Грекчүүд энэ удаагийн олимпийн наадамд маш их урамтайгаар оролцсон юм, нээлтийн ёслолд оролцсон үзэгчдийн тоо нь даруй 80 мянгад хүрч, энэ тоог 1932 оны Лос Анжелис-ын олимпийн наадам хүрээд давсан байна.

      Эхний үе, орчин үеийн олимпийн наадмын тухай дэлхийн дийлэнх орны ойлголт нь маш бага байсан учраас тухайн үед зохион байгуулах комиссоос маш олон урилга илгээсэн хэдий ч хариу өгсөн нь хэдхэн байлаа. Америк, Герман, Франц, Дани зэрэг 13 улс орны 241 эрэгтэй тамирчин л оролцсон юм.

      Орчин үеийн анхны олимпид хөнгөн атлетик, унадаг дугуй, усанд сэлэх, гимнастик, бүх, газрын тенис, хүндийн өргөлт, туялзуур жад, буудлага зэрэг 9 том төрлийн 43 тэмцээнийг зохион явуулжээ. Эртний олимпийн наадмын уламжлал дагуу энэ удаагийн наадамд багийн тэмцээн байхгүй бөгөөд эмэгтэй тамирчний тэмцээнийг ч зохион явуулсангүй юм.

      Орчин үеийн анхны олимпийн анхны тэмцээнийг хөнгөн атлетикийн талбайд зохион явуулсан юм. Тухайн үед хэрэглж байсан хөнгөн атлетикийн спортын ордныг 2004 оны Афины олимпийн үед туялзуур жадны тэмцээнийг зохион явуулжээ. Тухайн олимпийг сонирхсон хүн бол зарим талыг анхаарсан байж болзошгүй. Энэ спортын талбай нь орчин үед хүрч ирээд хөнгөн атлетикийн тэмцээнийг зохион явуулж чадахгүй болсон юм. Тэр нь U үсгийн хэлбэртэй бөгөөд эртний олимпийн тэмцээний дагуу түүний шулуун замын урт нь 192 метр байж, орчин үеийн наадмын 160 метрийн шаардлагад нийцэхгүй юм.