Германаас үүсэлтэй аман хуур нь жижиг хөнгөн авсаархан болохоор хөгжмийн зэмсгүүдийн дотор хамгийн жижигт тооцогддог, бас сурахад ч харьцангуй хялбархан юм. Хятадын баруун хойдын Лань Жөү хотод амьдардаг өндөр настан Фү Хаожиүгийнх гэр бүлээрээ аман хуурт онцгой сонирхолтой. Тэтгэвэрт гарсан өндөр настан Фү Хаожиү машин механикийн инженер байжээ. Тэрээр хэлэхдээ, би хэдэн арван жил машин механикийн ажил хийж ирсэн боловч хөгжимд сонирхолтой, аман хуурт онцгой сонирхолтой, арван тавтайгаасаа аман хуур сурсан юм гэжээ.

      1985 онд Фү Хаожиү Лань Жөү хотын аман хуурын нийгэмлэгийг байгуулж өөрөө дарга нь болжээ. Тэрээр аман хуур хөгжимдөх курс эрхэлж, бас гишүүдээ зохион байгуулан өөр газруудаар явж тоглолт зохион байгуулсан. Түүний хүчин чармайлтаар Лань Жөү хотын аман хуурын нийгэмлэг Хятад улсад нөлөө бүхий аман хуурын хамтлагийн нэг болж, Фү Хаожиү ч Хятадын соёлын яам болон Хятадын хөгжимчдийн нийгэмлэгийн олон удаагийн хөхүүлэл сайшаалыг олж, түүний шавь нар болон гэр бүлийнхэн аман хуурын төрөл бүрийн уралдаанд шагнал хүртэж иржээ.

      Аавынхаа нөлөөгөөр охин, хүү, ач нар нь бүгд аман хуур хөжгимдөнө . 1985 онд Фү Хаожиү тэр үед арван хэдтэй байсан охин, хүүтэйгээ тайзнаа аман хуурын гурвал хөгжим хөгжимдэж байсан юм. Хожим нь ачтай болж түүнийг таван настайгаас нь тоглолтод оролцуулж, гэр бүлийн гурван үеийн тоглолт нь үзэгчдийн таашаалыг хүлээж Лань Жөү хотноо нэртэй болжээ.

      Аав аман хуурт сонирхолтой болохоор манай хэдэн үеийг хүмүүжүүлэн нөлөөлж, гэр бүлээрээ баяр баясгалантай жаргалтай сайхан амьдарч байна гэж Фү Хаожиүгийн үр хүүхэд үздэг. Аман хуур хөгжимдөхөөр дамжин бидний гэр бүл их нягтралтай, эвсэг, амьдрал өдөр бүр баяр хөөрөөр баялхаж байдаг гэж хүүхэд нь хэлж байна. /Урангоо орчуулж бэлтгэв/