"Нэг Дэлхий Нэг Мөрөөдөл" бол 2008 оны Бээжингийн Олимпын наадмын гол уриа юм. Энэ уриа Бээжингийн олимпын наадмыг анхаарч буй хэн боловч олимпийн үйл хэрэгт гар бие оролцох завшаан буй гэсэн үг, тэр мөртөө олимпын наадамд биеэр оролцох завшаан олдоогүй ч, уралдаан тэмцээний үйл ажиллагаанд сайн дурын үйлчлэгчийн хувиар оролцох боломжтой гэсэн үг юм. 3-р сарын 28-ны өдөр Шянган, Аомэнь, Тайваний эх орон нэгтэй ах дүү нар, хятадын харьатууд болон гадаадын хүмүүсээс сайн дурын үйлчилгээнийхнийг элсүүлэх ажил Бээжинд эхэлсэн байна.

      2007 оны 3-р сарын 28-ны үдээс хойш, Бээжингийн орлимпын наадмын зохион байгуулах комисс Бээжинд хэвлэлийн бага хурал хийлгэж, Шянган, Аомэнь, Тайваний эх орон нэгтэй ах дүү нар, хятадын харьяатууд болон гадаадын хүмүүсээс сайн дурын үйлчилгээнийхнийг элсүүлж авах ажлыг албан ёсоор эхлүүлсэн байна. Энэ л өдрөөс эхлээд уг комисс нь Шянган Аомэнь, Тайваний эх орон нэгтэй ах дүү нар, хятадын харьяатууд болон гадаадын хүмүүсээс сайн дурын үйлчилгээнд нэрээ бүртгүүлэх ажлыг эхлүүлэх болно. Бээжингийн олимпын наадмын зохион байгуулах комиссын гүйцэтгэгч орлогч дарга, Бээжингийн олимпын наадмын зохион байгуулах комиссын сайн дурын үйлчилгээний ажлыг зохицуулах хэсгинй орлогч дарга ноён Ли Бинхуа хэлэхдээ,

     Бээжингийн олимпын наадам болон пара олимпын тэмцээний сайн дурын үйлчилгээнийхнийг элсүүлэх ажил тал бүрээр эхлээд байна. Олон салбарын нөхцөл хангасан хүмүүс энэ арга хэмжээнд нэрээ бүртгүүлж, тэмцээний үеэр олимпын наадам, пара олимп-д үйлчлэхийг бид баярлан угтаж байна гэжээ.

      Ли Бинхуа танилцуулан хэлэхдээ, Шянган Аомэнь, Тайваний эх орон нэгтэй ах дүү нар, хятадын харьяатууд болон гадаадын хүмүүсээс сайн дурын үйлчилгээнийхнийг элсүүлэх ажлыг Бээжингийн орлимпын наадмыг зохион явуулах комисс, Бээжингийн олимпын наадмын зохион байгуулах комиссын сайн дурын үйлчилгээний ажлыг зохицуулах хэсгээс холбогдох байгууллагад даалган хамтран хэрэгжүүлж байгаа юм. Энэ ажлын хүрээнд Шянганы сайн дурын үйлчлэгчид элсүүлэх ажлыг Шянганы онцгой районы засаг захиргааны ард иргэдийн ажил эрхэлсэн албад даалган зохион байгуулж, Аомэний сайн дурын үйлчлэгчид элсүүлэх ажлыг Аомэний онцгой районы засаг захиргааны ард иргэдийн ажил эрхэлсэн албад зохион байгуулж байна. Харин Тайваний сайн дурын үйлчлэгчид элсүүлэх ажлыг Бээжинд байгуулсан "Бээжингийн олимпын наадмын Тайваний эх орон нэгтэй ах дүү нараас сайн дурын үйлчилгээнийхнийг элсүүлэх төвд даалган гүйцэтгүүлж байна.

      3-р сарын 28-наас Шянган Аомэнь, Тайваний ах дүү нар, Хятадчууд, Хятадын харьяат нар болон гадаадын хүмүүс элч авах байгууллагуудаар дамжин тус тус тогтоосон веб сайтад Олимпын наадмын сайн дурын ажилтнаар нэрээ бүртгүүлж болно. 2008 оны 5-р сард Бээжингийн Олимпын наадмын ажлын комисс бүх сайн дурынхныг эцсийн удаа тогтоон бүртгэлээ дуусгаж, элссэн хүмүүсийн нэрсийг даруй мэдэгдэх юм байна.

      Бээжингийн Олимпын наадмын сайн дурынхны ажлыг зохицуулах комиссын албыг эрхлэгч ноён Лю Жянь танилцуулж хэлэхдээ,

      Сайн дурын ажилтнаар Бээжинд ирж ажиллах асуудлыг бүгдээрээ мэдэж байгаа. Бид эх орон нэгтэй ахан дүүстэйгээ үндсэндээ хэл яриагаа ойлголцох ёстой. Сайн дурын ажилтан хүн хятад хэлдээ сайн, төв аялгуугаар сайн ярьж чаддаг байвал зүгээр. Үүний зэрэгцээ бас гадаадын найз нартаа үйлчлэх учир тэдэнтэй сайн харилцах чадвартай байхыг хүсч байна" гэжээ.

      Бээжингийн Олимпын наадам, пара Олимпын наадмын хугацаанд 100 мянган сайн дурынхан наадмын үйлчилгээг хангахаас Бээжингийн Олимпын наадамд шууд үйлчлэх сайн дурынхан 70 мянга, пара Олимпын наадамд шууд үйлчилэх сайн дурынхан 30 мянга байх юм. Наадмын сайн дурынхныг голдуу Бээжин хотоос элсүүлж, Бээжингийн их дээд сургуулийн оюутнуудаар гол болгоно. Үүний зэрэгцээ Хятадын дотор газрын муж, хот, өөртөө засах районы иргэд, Шянган Аомэнь Тайваний ахан дүүс, хятадууд, хятадын харьяат болон гадаадын хүмүүсээс ч зохих хэмжээгээр сайн дурынхныг элсүүлэх юм байна. /Ч.Гантөмөр ,Нарс орчуулж, Баатар хянав /