Дөрвөлжин үсэгээр онцлог болгосон ханж үсэг жич үндэстний цөөнхийн үсэг бичиг бол Хятадын соёлын гол цогц болох бөгөөд бас ч Хятадын уламжлалт соёлын хамгийн төлөөлөх чанартай тэмдэг болох юм. Сүүлийн жилүүдэд Хятадын орчин үеийн урлагчид уран бүтээлийн явцдаа Хятадын үсэг бичгийн асар их гайхамшигийг тасраагүй уудлан уран бүтээлээ баяжуулж байна. Германд амьдарч байгаа Хятадын урлагчин Лю Юнь ган бол даруй тэд нарын доторхи гарамгай урлагчин болох юм.

     Саяхан Хятадын урлагийн ордонд Лю Юнь гангийн сийлмэл болон уран зургийн бүтээлүүд болох " босоо үсэг" гэсэн үзэсгэлэн ажиллуулсан байна. Түүний дотор том хад чулуугаар цавчин сийлж бүтээсэн " хайр" гэсэн хэсэг уран бүтээл нь хүмүүсийн анхарлыг маш их татаж байв. Энэ хэсэг уран бүтээлийг 3 метр гаруй өндөр асар том хад чулуугаар урлан бүтээсэн болохоор алсаас харахад хөх цэнхэр огторгуй хөхөмдөг ногоон талд хоёр хүн янз янзийн байдлаар бие биеэ тэврэн зогссон шиг, гэвч нарийн ажиглавал уран бүтээл болгон нь бүр босоо үсэгийн хэлбэртэй харагдна. Лю Юнь ганы танилцуулсанаас үзвэл, эдгээр үсэг бичгийн хэлбэр нь Хятадын эртний яст мэлхийн яс болон араатан амьтаны ясан дээр сийлэн үлдээсэн үсэг бичгээс ирэлтэй, мөн манай тоололын 13-р зууны Юань улсын үед хэрэглэж байсан басба үсэг хийгээд монгол үсэгтэй төлөвтөй юм байна.

      Лю Юнь ган өнгөрөгч зууны 90-д онд Германд хүрч суралцсан байна. Түүнээс өмнө нь тэрээр уран зургийн салбарт нэлээд нэртэй уран зураач болсон байлаа. Лю Юнь ган 1964 онд Өвөр Монголд төрж, хархан багаасаа зураг зурах сонирхолтой байж, 1982 онд Хятадын Төвийн уран зургийн дээд сургуулийн тосон будгийн зургийн пакультетэд орж суралцсан байна. Сургуульд сурч байхдаа ч олон удаа уран бүтээлийн үзэсгэлэн ажиллуулсан байна. Сургуулиа төгсөөд их сургуулийн уран зургийн багш болжээ. Багшаар ажиллаж байсан үед нь түүний олон уран бүтээлийг дотоод гадаадад дэлгэн үзүүлсэн юм. Өвөр Монголын тал нутаг дах цэвэр боровжуун малчин охиныг зурсан " умард сараагийн хоничин охин" гэсэн зураг нь Хятадын уран зургийн салбарынхны дээд үнэлгээг хүртсэн юм. Уран бүтээлийн талаар ийм сайн амжилт тогтоож байсан үедээ Лю Юнь ган Германд сурахаар мордсон юм. Энэ тухайгаа Лю Юнь ган хэлэхдээ:

      " Өнгөрөгч зууны 90-д оны эхэнд Германы илрүүлэх үзлийн уран бүтээлийн үзэсгэлэн Бээжингийн Үндэстний соёлын ордонд ажиллуулсан юм. Тухайн үед би тэдний уран бүтээлийг сонирхоод маш сэтгэл татагдаж, миний өөрийн бодож байсан зурах аргатай маш ойрхон санагдсан. Тйимээс их сургуулийн 2-р ангид сурч байхдаа би хэзээ нэг өдөр тэр сайхан уран бүтээлийг бүтээсэн Германыг харах сан гэсэн хүсэлтэй болсон юм. Герман цохом ямар шуу орон байдаг бол? Яаж ийм сайхан уран бүтээл бүтээж чадаж байгаа бол? Гэдгийг цаг ямагт бодож явсан юм" гэжээ.

      Лю Юнь ган Германд 10 гаруй жил сурч урлагийн талаар маш их амжилт олсон байна. 1999 оноос эхлэн тэрээр Хятадын уламжлалт үсэг бичгийн хэлбэрээр зохион бүтээх үндсэн хүчин зүйл болгож, " хайр" гэсэн томоохон уран бүтээлээ бүтээж эхэлсэн юм. /Пэрлаймаа орчуулав/