Эдүгээ Хятад-Монголын эдийн засгийн хамтын ажиллагаа нэлээд түргэн хөгжиж байгаа боловч хамтын ажиллагааны төслийн чанар, шат давхарга нь нэлээд доор, хоёр орны улс ардын аж ахуйн хөгжилд чухал байр эзэлдэг аж үйлдвэр хөдөө аж ахуйн үйлчилгээний салбарын хамтын ажиллагаа нэлээд их хувийн жин эзэлдэг. Иймэрхүү байдал нь өнөөгийн хоёр орны улс төрийн харилцааны хөгжлийн төвшин ба 21-р зүүнд хандсан урт хугацааны тогтвортой сайн хөршийн найрсаг харилцааны стратегийн шаардлагатай тун нийцэхгүй байна. Хоёр орон бодит байдалдаа тулгуурлан, алсыг харж, харилцан ашигтэй хамтран ажиллах, хамтаар хөгжих зарчмын дагуу Хятадын баруун бүсийг хөгжүүлэх түүхэн завшааныг ашиглан, эдийн засаг, худалдааны хамтын ажиллагааг түргэн хөгжүүлбэл зохино. Энэ бол хоёр орон, хоёр орны ард түмний бодит ашиг тус, хэтийн зорилгод нийцэх юм. Хоёр орны бодит байдалд тулгуурлан хамтын ажиллагааг эрчимжүүлбэл зохино.

      Хятад, Монгол хоёр орон худалдааны чөлөөт бүсийн бүтээн байгуулалтаа эрчимжүүлбэл зохино.

      Хятад орон өөрчлөлт, нээлттэй бодлогыг хэрэгжүүлсэнээс хойш боомтын бүтээн байгуулалтыг түргэтгээд, эрээн хотыг гадаадтай харилцах байгууллага ба хилийн хамтарсан шалган байцаах байгууллага бүхий, төрөл бүрийн дэд бүтцийн тоног төхөөрөмж, чадал бүрэн гүйцэт төрийн нэгдүгээр зэрэглэлийн боомт болгосон байна. Монгол улсын Замын-Үүдийн боомт ч сүүлийн хэдэн жилд их хэмжээний хөрөнө оруулалт хийж, дэд бүтцийн тоног төхөөрөмж, шалган нэвтрүүлэх чадал нь ихээхэн сайжирсан байна. Одоо Хятад-Монгол хоёр орон Эрээн хот, Замын-Үүдийн боомтыг түшиглэж хилийн ойролцоо худалдааны чөлөөт бүс байгуулах нөхцөл нэгэнт төлөвшсөн байна. Иймийн тулд хоёр талаар аль болох түргэн саналаа нэгтгэж, баруун бүсийн хөгжлийг түргэтгэж байгаа ашигтай тохиолыг ашиглаж хамтаар бүтээн байгуулах, хамтаар хөгжүүлэх хамтаар ашиг олох зарчмын дагуу идэвхтэйгээр бизнесийн хүрээнийхэнийг урьж хөрөнгө оруулж байгаад худалдааны чөлөөт бүсээ худалдаа, үйлчилгээг гол болгож, экспортын чиглэлтэй боловсруулах үйлдвэрийг чухалчилж, олон улсын худалдаа, аялал жуулчлал, үйлчилгээ, боловсруулах зэрэг олон талт, харилцан нөхвөрлөсөн, нээлттэй, үндсэн дамнасан, эд хөрөнгө, хүмүүс, хөрөнгө мөнгө, мэдээллийн урсгалын төв болговол зохино. Товчоор хэлбэл, худалдааны чөлөөт бүс байгуулах явдал бол хоёр орны эдийн засаг худалдааны хамтын ажиллагааны шат давхаргыг дээшлүүлэх чухал арга болно. Тэр нь хоёр орны эдийн засаг худалдааны хамтын ажиллагаа, олон улсын эдийн засгийн хамтын ажиллагаа болон хоёр орны эдийн засгийг түргэн хөгжүүлэх, урагш ахиулахад чухал үүрэгтэй юм.