"Нэг дэлхий, нэг мөрөөдөл" бол 2008 оны Бээжингийн олимпийн гол уриа юм. Энэ нь олимпид анхаарал хандуулж байгаа ертөнцийн хүн нэг бүр Бээжингийн олимпид оролцох тохиолтой гэдгийг харуулж байна. Олимпийн наадмын спортын тэмцээнд оролцож чадахгүй хэдий ч сайн дурынхнаар ажиллах боломжтой юм. Сүүлийн үе, Сянган, Аомень, Тайваний эх орон нэгтэй ах дүү нар, Хятадын хариат болон гадаадын хүмүүсийн дундаас сайн дурынхныг элсэн авах ажиллагаа албан ёсоор эхэлсэн байна.

      3-р сарын сүүлчээр, Бээжингийн олимпийг зохион байгуулах комисс Бээжинд хэвлэлийн бага хурал хийлгэж, дээрх ажиллагаа албан ёсоор эхэлсэнийг мэдэгдсэн байна. Бээжингийн олимпид сонирхолтой байгаа Сянган, Аомень, Тайвань тэрчлэн гадаадын хүмүүс мөн энэ үеэс эхэлж, холбогдох байгууллагад нэрээ бүртгүүлж болох юм. Бээжингийн олимпийг зохион байгуулах комиссын гүйцэтгэх даргын орлогч, сайн дурынхны ажлыг зохицуулах хэсгийн орлогч дарга Ли Бинхуа хэвлэлийн бага хурал дээр танилцуулж хэлэхдээ, Бээжингийн олимп, пара олимпийн сайн дурынхныг элсэн авах ажил бүх талаар эхэлсэн байна. Үндсэн нөхцөл хангасан олон салбарын зүтгэлтэд идэвхтэй нэрээ бүртгүүлж, тухайн үе Бээжинд ирж үйлчлэхийг хүсэн хүлээж байна гэжээ.

      Тэрээр цаашид танилцуулж хэлэхдээ, Сянган, Аомень, Тайвань болон гадаадын хүмүүсээс сайн дурынхныг элсэн авах ажлыг Бээжингийн олимпийг зохион байгуулах комисс холбогдох байгууллагад даалгасан байна. Жишээлбэл Сянганы сайн дурынхныг элсэх ажлыг Сянганы онцгой районы ард иргэдийн засаг захиргааны хэрэг эрхэлсэн газар хариуцаж хийх болно. Аомений сайн дурынхныг элсэх ажлыг Аомений онцгой районы биеийн тамирыг хөгжүүлэх газар хариуцан хийх болно. Гадаадын сайн дурынхныг элсэх ажлыг Бээжинд байгаа "гадаадын сайн дурынхныг элсэх төв" даан хийх болно гэжээ.

      Өнөөгөөс эхэлж, Сянган, Аомень, Тайваньд байгаа эх орон нэгтэй ах дүү нар, хятадын хариат, хятадчууд болон гадаадын иргэн холбогдох байгуулагын вэб сайтаар нэрээ бүртгүүлж болох бөгөөд 2008 оны 5-р сард, Бээжингийн олимпийг зохион байгуулах комисс сайн дурынхныг элсэх ажлыг бүрэн дуусгаж, элсэгдсэн мэдэгдлийг цаг тухайд нь дамжуулах болно.

      Өнөөгийн байдлаар, Бээжингийн олимпийг зохион байгуулах комиссд гадаад хэлний сайн дурынхан үлэмжхэн шаардагдаж байна. Ийм болохоор гадаад хэлтэй дотоод гадаадын олон салбарын хүмүүс сайн дурынхнаар нааштай нэрээ бүртгүүлэхийг уг комисс хүсч байгаа юм.