2007 он нь Бээжингийн олимпид бэлтгэх зангилааны нэг жил, энэ нь мөн олон нийтийн биеийн тамирын үйлсийг хөгжүүлэхэд олдошгүй тохиол олгосон юм. Энэ тохиолыг амжин, хотын засгийн газрын биеийн тамирын үйлчилгээний чадавхийг дээшлүүлж, бээжин хотын оршин суугчдад биеийн тамирын нэн сайн нэн шуурхай үйлчилгээ хангахыг Бээжин хотын засгийн газар хүсч байгаа юм. Үүнд холбогдуулан Бээжин хотын биеийн тамир спортын газар сүүлийн үе үлэмжхэн арга хэмжээг нийтэлсэн байна.

     Бээжин хотын биеийн тамир спортын газрын сүүлийн үед хийлгэсэн "бээжин хотын олон нийтийн биеэ чийрэгжүүлэх ажлын тухай хэвлэлийн бага хурал" дээр уг байгууллагын даргын орлогч Сүнь Шюйсай танилцуулж хэлэхдээ, 2007 онд Бээжин хот нь хотын оршин суугчдад биеийн тамирын нэн боловсронгуй, нэн бүрэн тоног төхөөрөмжийг угсруулж, нэн баялаг агуулгатай биеийн тамирын ажиллагааг зохион явуулан, олимпийн сайн сайхан орчныг буй болгох болно гэжээ.

      Түүний танилцуулснаар, өнөө бээжин хотонд, биеийн тамирын бүрэн тоног төхөөрөмж угсруулсан оршин суугчдын хороолол 21 байгаа бөгөөд энэ онд багтаан, 6 сая юаний хөрөнгө оруулж, иймэрхүү хорооллыг дахин 20 нэмэн байгуулж, оршин суугчдыг биеийн тамир спортын ажиллагаад оролцох дур сонирхолтой болгох болно.

      Үүнээс гадна, Бээжин хотын холбогдох байгууллага нь биеийн тамир соёлын үлэмжхэн ажиллагааг зохион явуулах юм байна. Үүний дотор ширээний тенис, хөл бөмбөг, сагсан бөмбөг, өдөн бөмбөг зэрэг спортын тэмцээний төрөл багтаж байгаагаар барахгүй луу бүжиглүүлэх, арслан бүжиглүүлэх зэрэг хятад үндэстний биеийн тамирын улалжлалт төрлүүд багтаж байна. Эдгээр тэмцээнд Бээжингийн тухайн нутгийн оршин суугчид, Бээжинд ажил хийж байгаа гадна нутгийн хүн, хөгжлийн бэрэхшээлтэй хүмүүс зэргийг багтаасан олон салбарын хүмүүсийг зохион байгуулж оролцуулах болно. Бээжин хотын биеийн тамир спортын газрын дарга Сүнь Канлинь хэлэхдээ, боломжтой юм бол 10 мянган хүний оролцсон ширээний тенисийн нээлттэй үзүүлэгийн тоглолтыг тянь ань мэний талбайд зохион явуулах болно гэжээ.

      Биеийн тамир спортын таатай орчин болон биеийн тамирын ажиллагаад оролцох хүмүүсийн дур сонирхолыг буй болгохын тулд Бээжин хот бас бесболын үзүүлэгийн тоглолт, Хятад Испанийн хөл бөмбөгийн найрамдлын тэмцээн, талбайн тенисийн тэмцээн зэргийг зохион явуулах болно.