Хуан Чэнь Дэ бол Хятадын баруун өмнөд нутгийн Гүйжу мжийн төв Гүйяан хотын өдрийн сонины сурвалжлагч юм. арван жилийн хугацаанд тэрээр Хятадын баруун нутагт сурвалжлага хийж, байгаль орчныг хамгаалах сэдвээр маш олон гэрэл зураг татсан байна. Саяхан тэрээр бас дахиад алс холын баруун нутгийг зорьж аяны жолоо заллаа.

       Хуан Чэнь Дэ энэ жил 53 настай, тэрээр их залуун харагддаг, дундын биетэй туранхайвтар эр юм.

      Хуан Чэнь Дэ Гүйяны өдрийн сонинд 25 жил ажиллаж байгаа ахмад сэтгүүлч юм. өнгөрсөн зууны ная ерөөд оны үед Хятадын баруун нутаг хөгжлийнхээ явцад байгаль орчныг эвдэх үзэгдэл үргэлж гардаг байлаа. Тэрээр гэрэл зургийн машинаараа баруун нутгийн байгаль орчныг эвдэж байгаа байдлыг нийгэм нийтэж харуулж, улмаар нэн олон хүнийг байгаль орчныг хамгаалах эгнээнд уриалан дуудсаар ирсэн юм.

      Тэр өөрийнхөө бодлыг ярьж байлаа. Баруун бүсийн эдийн засаг нисэх мэт хөгжиж чадах эсэх нь байгаль орчныг хамгаалж чадсан эсэхээс хамгийн түрүүнд шалтгаалагдна. Сурвалжлагч хүн нийгмийн хариуцлагат сэтгэлтэй байх нь маш чухал юм. сурвалжлагч хүн өлгийн болсон дэлхийгээ хайрлах эрхэм дээд үйлст зүтгэж явах нь маш их ач холбогдолтой зүйл гэж үздэгээ хуучилж байлаа.

      Хятадын баруун нутаг Хятдаын хүн амын гуравны нэг хувийг эзэлж, газар нутгийн хувьд Хятадын нутгийн далан хувийг эзэлж байдаг юм. байгаль болон түүхийн шалтгаанаас болж, зүүн нутагтай харьцуулвал эдийн засаг нь нэлээд хоцрогдонгуй байгаа юм.

      Замын алжаал зүдрэл, уйтгар бухимдал юу ч биш, гэтэл ойн шугуй сийрэгжиж, голын ус ширгэж, нураа элсний нүүдлээс болж малчид маань үейн үеэрээр нутагшин суусан гэр орноосоо нүүж явахыг харахад нүд хальтармаар юм гэж тэр сэтгэлийнхээ үгийг ярилаа.

      Хүмүүс байгаль дэлхийгээ өөрийн бие шиг хайрлаж, ямарч ажил хийхдээ урьдаар байгаль орчинд маань халтай юу үгүй юу гэдийг бодож үзэх юм бол бидний ирээдгүй нэн сайн сайхан болж, улс орны маань хөгжил улам урт удаан хугацаа үргэлжилж чадна гэж тэр хэллээ. Түүний ажиллуулсан байгаль орчныг хамгаалах сэдэвт гэрэл зургийн үзэсгэлэн маш олон хүний байгаль орчныг хамгаалах ухамсарыг нэмэгдүүлж байна.