Эдийн засаг нийгмийн хөгжил дэвшлийг дагалдан компьютер нь Хятадын айл өрх болгонд түгээмэлжсэн байна. Гэхдээ хүүхдүүд компьютерын тоглоомд шунах болсноор аав ээжийнх нь сэтгэлийн зовлон болжээ. Хятадын дорнод нутгийн Зэ Жян мужийн Хан жөү хотын Хай Ян гэдэг хүн гэр бүлийн вэб сайт ажиллуулаад охиноо компьютерын тоглоомоос амжилттай холдуулсан байна.

      Хай Янгийн охин Хай Лүэ гэдэг, энэ жил 13-тай, өндөр нуруутай, урт үстэй, нүдэндээ цогтой хөөрхөн цовоо охин юм. Хай Лүэ хэдийгээр арван гуравтай боловч их "өндөр тушаал"-тай шүү, "Баясгалант гэр орон" вэб сайтын дарга бөгөөд техникийн ерөнхий хянагч юм. Вэб сайт ажиллуулж байгаа болохоор хичээлийн гаднах цагтаа ажил ихтэй л байдаг.

     Гэтэл энэ вэб сайт нь дарга Хай Лүэгээс гадна, аав Хай Ян, ээж Лүэ Лин хоёрхон гишүүнтэй юм. Вэб сайт ажиллуулсан тухай Хай Лүэгийн аав Хай Ян танилцуулж хэлэхдээ, хоёр жилийн өмнө Охин Хай Лүэ компьютерын тоглоомд их шунасан юм, нэг бүтэн сайнд бид ажил хэрэг амжуулахар гарахад Хай Лүэ бидэнтэй хамт явах дургүй байлаа. Тэгээд чи гэртээ хоцроод даалгавраа хий, дуусвал сүлжээ ашиглаж болно, гэхдээ хагас цагаас хэтэрч болохгүй гэж захисанд тэр ч маш дуртай хүлээж авсан юм. Гэтэл бид харьж ирээд харсан чинь дасгал даалгавар хийхээ бүр мартаж ,тоглоом тоглосоор байлаа. Тухайн үед би их уурласан боловч энэ насны хүүхэд биеэ захирах чадвар хүрэлцэхгүй байх нь хэвийн л дээ, өөр тохиромжтой арга олох нь тулгамдуу байсан гэжээ.

     Охиноо колмпьютерын тоглоомоос холдуулахын төлөө Хай Ян гуай зарим хүүхдийн аав ээж шиг компьютер ашиглахыг нь зогсоох, цаашилбал интернет кофегаас чирч авчрах зэрэг арга хэмжээ аваагүй. Зөв урамшуулан хөтлөх нь хязгаарлах хориглохоос нэн сайн үр дүнд хүрнэ гэдэгт тэр итгэж байлаа. Ингээд гэр бүлийн вэб сайт ажиллуулах болсон юм.

      Бяцхан Хай Лүэ бага байхдаа НҮБ-ын Ерөнхий нарийн бичгийн дарга болно гэж ярьдагийг нь санаж НҮБ-ын Ерөнхий нарийн бичгийн дарга болох хүсэлтэй хүн одоогоос гэр бүлийн вэб сайтын даргаар ажиллах хэрэгтэй л дээ гэж түүнийг вэб сайтын даргын энэ "өндөр тушаал"-д томилсон юм. Тэр их урамтай ажиллаж, шинэ юмыг маш түргэн хүлээн авч, вэб сайтын хуудсаа өдөр бүр шинэ агуулгатай эрхэлж байлаа. Нэг хэсэг хугацаанд ажиллаад урам харьсан байдал гарсныг аав нь анжаараад сүлжээнд холбогдосныг бүртгэх болон харилцах хуудасны программ нээснээр Хай Лүэгийн вэб сайтад холбогдон түүнийг зоригжуулан дэмжих урам хайрласан захидал олон болж тэрээр дахин урамтай ажиллах болсон байна. Өнөө Хай Лүэ дасгал даалгавраа биелүүлсний дараа өдөр бүр эдгээр захидалд хариу бичих гэж ажил ихтэй байдаг. Вэб сайт дээр захидлын хариуг бичиж, богино өгүүлэл нийтэлж ирснээр түүний зохион бичих чадвар маш түргэн дээшилж, 2006 онд тэрээр 15 өгүүллээ сонин сэтгүүл дээр нийтэлсэн бөгөөд Зэ Жян мужийн хүүхдийн зохиочдын холбооны гишүүнээр элссэн байна. Хай Лүэгийн аав ээж нь охиныхоо компьютерын тоглоомоос холдон биедээ итгэлтэй сурч хүмүүжих болсонд туйлаар баярлаж, вэб сайтаар энэ туршлагаа хүмүүст танилцуулж бий. /Урангоо орчуулж бэлтгэв/