Хятадын Соёлын яам, Шанхай хотын ардын засгийн газрын хамтаар эрхлэх Хятадын олон улсын хүүхэлдэйн шог зургийн тоглоомын 3-р яармаг 6-р сарын 28-ны өдрөөс 7-р сарын 2-ны өдрийг хүртэл Шанхай хотын үзэсгэлэнгийн төвд болох гэж байна.

      Дээр удаагийн яармагт Хятад, Япон, БНСУ, Америк, Франц зэрэг 11 орны 98 аж ахуйн нэгж яармагт оролцон өөрийн уран бүтээлээ дэлгэн үзүүлсэн бөгөөд дэлгэцийн нийт талбай нь 15 мянган хавтгай дөрвөлжин метрт хүрч, гадаадын аж ахуйн нэгжийн яармагт оролцсон хэмжээ тал хувиас давж, наймаа тохиролцсон хэмжээ нь 320 сая гаруй ам.долларт хүрсэн юм.

      Энэ удаагийн яармаг нь " ууган уран бүтээлийг урамшуулан, аж үйлдвэрээ хөгжүүлэн, Хятадын хүүхэлдэйн болон шог зургийн тоглоомын соёлыг хөгжүүлэхэд олон улсын тусгай мэргэжлийн дэвжээ хангах" уриан дор ажиллаж, Хятадын хүүхэлдэйн болон шог зургийн тоглоомын аж үйлдвэрийн тал бүрийн хөгжлийг ахиулах зорилттой юм банйа. Төсөөлөхөд үзэсгэлэгийн талбай нь 20 мянган хавтгай дөрвөлжин метрээс давж, тус яармагт оролцох улс орон болон аж ахуйн нэгж ихээр нэмэгдэх болно.

      Шанхай хотын хүүхэлдэйн болон шог зургийн тоглоомын аж үйлдвэрийг хөгжүүлэх үндэсний баазийн хурал үзэсгэлэнгийн ажил эрхэлсэн газрын хариуцалгатан ноён Жөү Жэнгийн танилцуулсанаас үзвэл, " Олон улсын хүүхэлдэйн болон шог зургийн тоглоомын эдийн засгийн аж үйлдвэрийн симпозиум" бол яармагийн хугацаан дах хамгийн чухал үйл ажиллагаа болох юм байна. Засгийн газрын холбогдох салбарууд " " дотоодын тоглоомын машины зах зээлийг удирдан хамаарах болон хөгжүүлэх" гэсэн гол сэдвээр үг хэлэх бөгөөд гадаадын эрсдэлт хөрөнгө оруулалтын байгууллагийн зүтгэлтэд ч хүүхэлдэйн болон шог зургийн тоглоомын аж үйлдвэр хийгээд хөрөнгө оруулалт, хөрөнгө хурамдуулан цуглуулах, жич төслийг нэгтгэн нийлүүлэх хийгээд холбох зэрэг сэдвээр ярилцлага хийнэ. Үүнээс гадна Японы хүүхэлдэйн шог зургийн алдарт уран бүтээлчин, " галын гэрлийг тэсвэрлэгч" болон " эрлэгийн элч" гэсэн хүүхэлдэй киноны найруулагч ч урилгаар симпозиумд лекц хийнэ. /Пэрлаймаа найруулан орчуулав/