Хятад улсын нэг тэрбум гурван зуу гаруй сая хүн амын дунд насанд хүрээгүйчүүд гурван зуу гаруй сая байдаг. Хятад улс багачууд хүүхдийн өсч хүмүүжихэд анхаарлаа хандуулж, "насанд үл хүрэгсдийг хамгаалах хууль" зэрэг тусгай хуулиар тэдний эрх ашгийг хамгаалж. Байх төдийгүй бас тусгай байгууллагууд багачууд хүүхдийн ажил хэргийг хариуцан хийж байдаг. Үүнээс гадна нийгмийн байгууллагууд ч засгийн газрын салбаруудад туслан олон талын ажил өрнүүлэн хүүхэд багачуудын эрүүл энх сайн сайхан өсөн хүмүүжихэд чухал үүрэг гүйцэтгэж байна. Одоо та бүхэнд Хятадын Сүн Чинлингийн санг танилцуулъя.

     Сүн Чинлин бол үндэстний тусгаар тогтнол ард түмний ашиг тусын төлөө гарамгай хувь нэмэр оруулсан Хятадын төрийн удирдагчийн нэг юм. Тэрээр 1981 онд таалал төгссөн бөгөөд тухайн үед Хятад улсын хүндэт дарга байсан юм.

     Сүн Чинлин насан туршдаа багачууд хүүхдийн өсөн хүмүүжихэд анхаарлаа хандуулж, багачууд хүүхдийн ажил үйлсийг эх орны ирээдүйг цогцлон байгуулах их үйлстэй холбон чухалчилж ирсэн байна. Сүн Чинлин таалал төгссөний дараа түүний нэрээр "Хятадын Сүн Чинлингийн сан"-г албан ёсоор байгуулсан юм. Өнөө уг сангийн хөрөнгө зуун сая юаниас давсан байна.

     Уг сангийн ерөнхий нарийн бичгийн дарга Ли Нин танилцуулж хэлэхдээ, 25 жилийн турш, талийгаачийн гэрээс ёсоор багачууд хүүхдийн ажил үйлсийг хөгжүүлэн, тэдний эрүүл энх бүх талаар хөгжин хүмүүжихэд анхаарлаа хандуулахыг сангийн зорилт болгон ажиллаж, энэ хүрээнд нийтийн халамжийн олон үйл ажиллагаа өрнүүлж ирсэн байна. Жишээлээд хэлбэл багачууд хүүхдийн үүдэлт нээлтийн шагнал, хүүхдийн уран зохиолын шагнал, зууны лагерийн ажиллагаа, эдийн засгийн хөгжил тааруухан нутгийн боловсролын үйлст туслах, өөрөөр хэлбэл амьдрал нь ядуу хүүүхдэд туслах. Ядуу нутгийн сургуулийн нөхцөл байдлыг сайжруулах тэрчлэн их сургуульд тэтгэмжийн төсөл ажиллуулах, эмэгтэйчүүд хүүхдийн эмчилгээ эрүүл мэндийн ажил үйлсийг хөгжүүлэх зэрэг ажлуудыг хийж гүйцэтгэж ирсэн байна гэжээ.

     Нийтийн халамжийн эдгээр ажиллагаанаас хэдэн зуун мянган хүүхэд багачууд ач тусыг нь хүртсэн юм.
Багачууд хүүхдийн үүдэлт нээлтийн шагнал бол "Сүн Чинлингийн сан"-гийн гаргасан олон шагналын нэг нь юм. Хятадын олон газрын 100 мянга гаруй багачууд хүүхэд уг арга хэмжээнд оролцож, хэдэн мянган хүүхэд багачууд шагнал хүртсэн байна. Үүдэлт нээлтийн салбар нь амьдралын тал талыг хамарч байдаг. Сүн Чинлингийн багачууд хүүхдийн үүдэлт нээлтийн шагналын комиссын орлогч дарга Лү Шань танилцуулж хэлэхдээ, хүүхэд багачууд боловрол олгохын зэрэгцээ практикт оролцуулах нэн олон боломж олгох нь манай өрнүүлж байгаа үйл ажиллагааны зорилт мөн. Бид эдгээр арга хэмжээгээр дамжуулан хүүхэд багачуудын үүдэн бүтээх авьяас чадварыг хөгжүүлэх болно. Улс орноо хөгжүүлэхэд шинжлэх ухаанд түшиглэх хэрэгтэй, шинжлэх ухааныг хөгжүүлэхэд эрдэм чадвартай хүмүүс шаардагдана, эрдэм чадвартай хүмүүсийг хүүхдээс эхлэн бэлтгэх хэрэгтэй юм, энэ бол манай зорилт мөн гэжээ. /Урангоо орчуулж, бэлтгэв/