Хятадын баруун хойдын Нин Шягийн Хотон Үндэстний Өөртөө Засах Районы Пин Лүэ сянь бол нуур бүрд нам дор газар олон, хужирлаг намгархаг газар төвлөрсөн нутаг юм. Сүүлийн арван хэдэн жилийн турш, Пин Лүэ сянь засан өөрчлөх ажлыг эрчимжүүлэн экологийн загасан аж ахуйг ихээр хөгжүүлснээр орон нутгийн экологийн орчин ахуй ихээр сайжран үлэмжхэн хээрийн галуу шувуу нутагшин суух болжээ.

      Пин Лүэ сяний тариачин Жан Юйбяо 1990 оноос загас тэжээсэн бөгөөд 30 гаруй га газрыг гэрээгээр авч ажиллажээ. Бүх гэрээрээ арван хэдэн жил чармайн ажиллаж энэ 30-аад га газрын зарим нам дор, хужирлаг газрыг загас тэжээх том том нуур болгож, загасны аж ахуй хөгжүүлж ирснээр орлого нь ихээр нэмэгдсэн байна. Сүүлийн жилүүдэд Жан Юйбаотай адилаар загас тэжээх тариачид олон болж, өмнө нь ашиглахгүй байсан жижиг нууруудад загас жараахай тэжээн усны аж ахуйн ажил төрлийг ихээр хөгжүүлсэн байна. Нуурын талбай аажмаар өргөжихийн хирээр эргэн тойронд нь өвс мод ягч сахлаг ургаж экологийн орчин ахуй сайжран хээрийн галуу шувууд олноор ирж нутагших болж, зун намар өвөл хавар эргэх дөрвөн улиралд хөгжил бадрангуй байдалтай болсон байна.

     Сүүлийн жилд Пэн Лүэ сянийхан хээрийн шувууг хамгаалах ажлыг маш чухалчилж, жил болгон шувуу хамгаалах олон зүйлийн арга хэмжээ зохион байгуулж, тариачдад шувууг хамгаалах, хүрээлэн байгаа орчноо хамгаалахыг өргөнөөр сурталчлан ухуулж ирснээр тариачдын үзэл ухамсар ихээр дээшилж, шувууг үргээхгүй, өндөг зулзагыг нь гэмтээхгүй үүр гэрийг нь эвдэж нураахгүй байхад хүн бүхэн анхаарлаа хандуулах болжээ.

     Пин Лүэ сяний байгалийн нөөц баялаг элбэг, нээн ашиглаж болох нуур бүрд, намгархаг газрын талбай 8600 гаруй га байж, өнөө дийлэнхийг нь нээн ашигласнаас жижиг нуур цөөрөмүүдийг нийлүүлэн их талбайтай нуур болгосон байна. Нуурт хулс зэгс, лянхуа цэцэг зэрэг техникийн таримал тарьж, экологийн орчин ахуй сайжирч үүний зэрэгцээ загас жараахай зэрэг тэжээн үржүүлэх ажил төрлийг хөгжүүлснээр тариачдын орлого ихээр нэмэгдэж амьдрал нь сайжирсан байна. /Урангоо орчуулж бэлтгэв/