Энэ жилийн 7-р сарын 1-ний өдөр бол Хятад улс Шянганд бүрэн эрхээ сэргээсний 10 жилийн ой мөн. Энэ арван жилийн турш, дотор газар ажиллан суралцаж, үйлс бүтээж байгаа Шянган хүн олон бий.

      Хатагтай Пань Хүйшинь бол Шянганы худалдаа хөгжлийн газраас Бээжинд суугаа хэрэг эрхлэх газрын ажилтан. 2006 оны хавар Бээжинд томилогдон ирээд жил илүү болж байна.Тэрээр хэлэхдээ, нутгаасаа анх удаа ингэж урт хугацаагаар холдож байна. Бээжингийн өвөл хавар зун намар дөрвөн улирал маш тодорхой, Шянгантай уур амьсгалын талаар маш их ялгаатай тул нэг хугацаанд дасаж зохицлоо. Надад юм бүхэн сонирхолтой санагдаж байна гэжээ. Цаг уураас гадна Бээжин нь Шянгантай адилтгахын аргагүй том нь түүнд өгсөн анхны сэтгэгдэл юм. Тэрээр хэлэхдээ, Бээжинд ирээд Дүн Фангуанчанд яаж хүрэх бэ гэж бусдаас зам асуусанд, энүүхэнд бий, нэг гудамж зайтай гэлээ. Шянганд нэг гудамж зайтай газрыг гурав дөрвөн минут яваад л хүрнэ, гэтэл Бээжинд хорин минут яваад хүрсэн, Бээжин нээрээ том юм гэжээ.

       Үүнээс гадна, Бээжин бол урт удаан түүх соёлтой эртний нийслэл, үзэж танилцах сурч мэдэх зүйл маш олон гэж Пань Хүйшинь хэлж байна.
Анх Бээжинд ирэх үеийн өөрт нь тохиосон сонирхолтой явдлыг сониучилж хэлэхдээ, урьд нь би Бээжингийн тухай төдий ойлгохгүй байснаас дотор газар их хоцронгуй гэж бодоод Шянганаас өргөн хэрэглээний бүх зүйлээ авч ирсэн байна. Бээжинд ирээд Шянганд байх бүх юм Бээжинд бүгд байна, амьдрал маш дөхөм байдгийг мэдсэн гэжээ.

       Гао Чимин бол Бээжин их сургуульд сурдаг Шянган залуу юм. Тэрээр хэлэхдээ, өнөө дэлхийгээрээ Хятад улсын хөгжлийн нөөц хүчнийг харж байна, дотор газар эрт ирвэл байдалтай эрт танилцаж худалдааны мэргэжилд сонирхолтой надад ашигтай гэж үзээд Бээжинд сурахаар ирсэн гэжээ.

      Дотор газар Шянганы оюутан , компанийн ажилтан олон байгаагаас гадна, хөрөнгө оруулан худалдаа эрхэлж байгаа бизнесменүүд ч олон байдаг. Ноён Зэн Жимин бол Жинь Лилай корпорацийн засаг захиргааны ерөнхий захирал юм. Хорьдугаар зууны 80-аад оны үед, Жинь Лилай корпораци дотор газар зах зээл нээж бэлэн хувцас, зангианы үйлдвэрлэл эрхлэн борлуулж ирсэн байна. Зэн Жиминг дотор газрын эдийн засгийн сүүлийн жилүүдийн хөгжлийг нүдээр харсан гэрчлэгчийн нэг гэж хэлж болно. Тэрээр хэлэхдээ, 20 жилийн өөрчлөлт шинчлэлт нээлттэй байлгахаар дамжин улс орон түргэн хөгжсөн, дэлхийн бусад оронтой зэрэгцүүлбэл гайхамшигтай амжилтанд хүрсэн гэжээ. Тэрээр цааш нь хэлэхдээ, дотор газар Шянганд хөрөнгө оруулалтын тогтвортой орчин ахуй бий болгон өгч, маш хөнгөлөлттэй бодлого хэрэгжүүлж байна. Хөрөнгө оруулагчдын хувьд Нэгд, бодлогын тогтолцоо тогтвортой байх, Хоёрт, хүний аюулгүй байдал баталгаатай байх, Гуравд, татвар тушаах хэмжээний их бага нь маш чухал юм. Дотор газрын хөрөнгө оруулалтын нөхцөл боломж жил ирэх тутам сайжирч байна гэжээ.

      Шянган эх орондоо нэгдсэн арван жилийн турш, улам олон Шянганчууд дотор газар ирж ажиллаж сурч, амьдрах болж байна. Шянганы улс төр, эдийн засаг үргэлжлэн тогтвортой хөгжиж байгаагаас тэд дотор газар сэтгэл тайван ажил үйлс эрхлэх болж, дотор газар нь ч Шянганчуудад хөгжлийн нэн өргөн боломж хангаж байна. /Урангоо орчуулж бэлтгэв/