Энэ жил Хятадын Ардын Чөлөөлөх Арми байгуулагдсаны 80 жилийн ой тохиож байна. Энэ ойтой холбогдуулан Хятадын цэрэг дайчдын энгийн боловч ер бусын амьдралыг танилцуулъя.

     Өглөөний зургаан цагт цэргийн бүрээ хангинаж, Фань Дачуань болон дайчид бүрээн дуугаар босч шинэ нэг өдрийн сургуулиа эхэлнэ. Тэд бол Хятадын Ардын Чөлөөлөх Армийн дугаар отрядын хуягт тэрэгний засварын ангийн дайчид юм. Өдөр бүр өглөөний хоолны дараа нэг цагийн биеийн тамирын дасгал болон жагсах дасгал хийдэг. энэ нь салхи бороонд ерөөс тасардаггүй юм.

     Хуурайн цэргийн эдгээр дайчдын үүрэг хариуцлага бол цэргийн ангийн танкийг оролцуулсан хуягт тэрэгнүүдэд засвар хийж, энэ "аварга том юм"-ыг төрөл бүрийн "байлдаан"-ы сургуульд үүргийг амжилттай биелүүлэхэд нь баталгаа хангадаг . Цэргийн эмчийн хариуцлага нь офицер дайчдад өвчин шархыг эмчлэн үйлчилдэг бол хуягт тэргийн засварын дайчид хуягт тэрэгний гэмтэлд засвар хийдэг болохоор энэ утгаас "хуягт тэрэгний эмч" гэж хэлж болно. Уг цэргийн ангийн улс төрийн газрын орлогч дарга Жао Шиньжүнь танилцуулж хэлэхдээ, тасгийн дарга ФаньДачуань энэ жил 32—тай, ахмад дайчид, засварын ажлыг 13 жил хийж, энэ бүлэг хүмүүсийн дунд мэргэжлээр хамгийн өндөр түвшинтэй нь юм. Тэр хуягт тэрэгний хүчин чадал, бүтэц, гол үндэслэл, зүй тогтоолыг бүр чадамгай эзэмшиж, хэдэн авран жилийн ажлын явцад туршлага хуримтлуулан мэргэжлийн өндөр түвшинтэй болж, түүний гар хаа хүрвэл ямар ч гэмтлийг тэр дор нь засаж чаддаг гэжээ.

     Фань Дачуан бол Хятадын баруун өмнөдийн Сы мужийн хүн, намхан нүруутай боловч хүдэр чийрэг биетэй, инээмсгэлэн царайтай, ажлын төлөө гэвэл амь бие хайргүй зүтгэж явдаг, хүнд тусархуу хүн юм.

     Өглөөний хоолны дараа, дайчид цэргийн сургууль хийлээ. Хуягт тэрэгний засварынхны хувьд "байлдааны талбай", " дасгал сургуулийн газар" нь хуягт тэрэгний засварын талбай мөн. Энд дасгал сургуулийн олон газраас ирсэн эвдэрч гэмтсэн төрөл бүрийн хуягт тэрэг, мина шүүгч, зөөврийн тэрэг, танк, командлалын тэрэг зэрэгт засвар хийдэг байна. Фань Дачуань багийн дайчдын хамт хуяг командлалын тэрэгнд засвар хийж дуусаад: энэ бол нилээд тэргүүний командлалын тэрэг мөн, цэргийн ангийн байлдааны дасгал сургуулийг удирдан зохицуулах үүргийг гүйцэтгэдэг. Засварын хүмүүсийн хувьд, түүний хэвийн ажиллагааг баталгаажуулж, байлдааны дасгал сургуульд хэзээ ч гарахад бэлэн саадгүй болгох нь манай үүрэг хариуцлага мөн гэжээ. /Урангоо орчуулж бэлтгэв/