2008 оны Бээжингийн олимп нэг жилийн хугацаа үлдээд байгаа үеэр Хятадын төрийн зөвлөлийн хэвлэлийн газар хэвлэлийн бага хурал хийлгэж, Бээжингийн олимпийн бэлтгэл ажлын ахицын тухай танилцуулсан байна. Бээжингийн олимпийг зохион байгуулах хорооны холбогдох хариуцлагатан хэлэхдээ, 2008 оны бээжингийн олимпийн бэлтгэл ажил төлөвлөгөө ёсоор хийгдэж, шат бүрийн зорилтоо цаг тухайд нь биелүүлж байна гэжээ.

     8-р сарын 6-ны өдөр болсон хэвлэлийн бага хурал дээр, Бээжингийн олимпийг зохион байгуулах хорооны гүйцэтгэх даргын орлогч Ван Вей хэлэхдээ, өвөрмөц онцлогтой, өндөр төвшинтэй 2008 оны олимпийн наадмыг зохион явуулах нь бидны дэлхийд хандан хийсэн төв чанга амлалт юм, мөн Хятадын засгийн газар, Хятадын ард түмний шаардлага болон мөрөөдөл болно. Бээжингийн олимпийг бэлтгэх ажлыг Олон улсын олимпийн хороо нааштай дэмжиж байгаа бөгөөд Хятадын шат бүрийн засгийн газар нь дээд хэмжээгээр чухалд үзэж байна. Ерөнхий байдлаас үзвэл, бээжингийн олимпийн олон бэлтгэл ажил төлөвлөгөө ёсоор нааштай хийгдэж байна гэжээ.

     Бээжингийн олимпийн үеэр, тэмцээний 37 талбай ордон, дасгалын 56 заал талбайг ашиглах болно. Өнөөгийн байдлаар, Чинь Хуан Дао хотын олимпийн биеийн тамирын төв спортын ордон, Шеньян хотын олимпийн биеийн тамирын төв спотын орпон, Шянганы морин спортын талбайг бариж дуусгасан байна. Хятадын үндэсний биеийн тамирын талбай, үндэсний усан сэлэлтийн төв зэрэг шинээр байгуулагдсан 12 талбай ордоны гол бүтцийг бариж дуусгаад өнөө дотор талыг нь янзалж байна. Нээлтийн ёслолын шаардлагаас болж, үндэсний биеийн тамирын талбайг 2008 оны эхээр бүрэн бариж дуусгахаас гадна, тэмцээний бусад талбай ордныг 2007 оны сүүлчээр бүхнийг бариж дуусгах болно.

     Холбогдох хариуцлагатаны танилцуулснаар, бээжингийн олимпийн бусад талын бэлтгэл ажил ч урагштай явагдаж байна. Өнөө, олимпийн наадмын өдөр бүрийн тэмцээний цагийн хуваарийг гаргасан бөгөөд нээлт хаалтын ёслолын найруулах ажлыг үндсэндээ дуусгасан байна. Олимпийн гал бамбарыг дамжуулах замыг тогтоож, тасалбарын ажил ч нааштай хийгэдж байна. Үүнээс гадна, Бээжин хотын зам харилцааны нөхцөл болон экологийн орчин ахуй цаашид сайжирч байгаа юм гэжээ.