Сайн байцгана уу, эрхэм хүндэт сүлжээ ашиглагчид аа? Хятадын олон улсын радиогийн Монгол хэлний редакцийн дуу хөгжмийн тусгай нэвтрүүлгийн шинэ дугаар та бүхэндээ мэнд айлтган золгож байна. Ингээд өнөөдрийн дугаараараа та бүхэнд Хятадын дууны тавцан дахь аварга Ван Лихунг танилцуулья. Юны өмнө, дуучин залуугийнхаа дуулсан нэгэн сайхан дууг та бухэндээ хүргэе. Энэ дуу бол түүний дуулсан 《唯一》боюу "Цорын ганц" гэдэг дуу нь байгаа.

     Дуучин Ван Лихун нь 1976 оны 5-р сарын 17-ны өдөр Хятадын Гуандүн мужид төрсөн. 178 cm өндөр, 68kg жинтэй. Аав ээж, ах дүүгийнхээ хамт амьдардаг. Түүний бага нас нь Америк улсад өнгөрүүлсэн байдаг. Тэрээр Америкийн Williams College их сургуулийг төгссөн юм. Дуучин Ван Лихун нь маш олон хоббитой. Сагс тоглох, хийл, төгөлдөр хуур, бөмбөр гэх мэт хөгжмийн зэмсэгүүдийг тоглох дуртай. Чөлөөт цагаараа дууны үг ая бичих дуртай юм байна. Тэгвэл одоо бүгдээр түүний дуулсан бас нэгэн сайхан дууг сонсоё. Энэхүү дуу бол Ван Лихунгийн 《心中的日月》боюу "Сэтгэл зүрхэн дэх нар саран" хэмээх цомогт нь багтсан 《星座》боюу "Орд" хэмээх өвөрмөц нэртэй дуу нь байна.  

     Дуучин Ван Лихун нь бага сургуулиас эхлээд ахлах сургууль хүртэл хамгийн шилдэг сурагч байсан төдийгүй хөгжмийн өндөр мэдрэмж авьяастай хүүхэд байсан байна. Хийл, төгөлдөр хуур гэх мэт хөгжмийн зэмсэгүүдийг мэргэжлийн өндөр түвшинд тоглодог юм байна. Тийм ч учраас тэрээр өөрийгөө хөгжмийн зохиолч, эсвэл дуучин болно гэдэгт хором ч эргэлзэж байгаагүй юм байна. Америкийн их сургуульд суралцаж байх үедээ тэрээр зуны амралтаа Тайваньдаа ирж өнгөрүүлдэг байсан байна. Улмаар анхны цомгоо 1996 онд олны хүртээл болгосон байна. Энэхүү цомогт нь түүнийг олны танил болгосон ба хөгжмийн ертонцөд Ван Лихун хэмээх хөгжмийн өндөр мэдлэг боловсролтой, цог золбоотой нэгэн залуу шинээр орж ирлээ гэж дуулиан тарьж басан байна. Сургуульд байхдаа тэрээр хичээлхийн хажуугаар хөгжмийн цомгоо бэлдэж гаргадаг байсан хэдий ч тэрээр энэ бүхнийг маш сайн зохицуулж чаддаг байсан төдийгүй их сургуулиа шилдэг оюутан гэсэн тодорхойлттой төгссөн байна. За одоо сонсогч та бүхэндээ дуучин залуугийнхаа 《大城小爱》боюу "Их хотын бяцган хайр" гэдэг дууг сонсгоё.

     Дуучин Ван Лихун нь 1999 онд дөнгөж 23-хан насандаа Тайваны шилдэг залуу дуучин, шилдэг үүдэн бүтээлч гэсэн нэр хүндтэй хоёр том шагнал хүртсэн. Энэ нь Тайваны хөгжмийн ертөнцийн түүхэнд хамгийн нас залуу хүн энэ шагналыг хүртэж буй тохиолдол болсон байна. Анхны цомгоо гаргаснаас хойш түүнийг алдар хүнд, шагнал урамшил сүүдэр мэт дагах болсон гэж хэлж болох юм. Ийм нас залуу хүн гэхэд үнэхээр хөгжмийн өндөр боловсролтой учраас түүний хувьд хөгжмийн ертөнцөд өөрийн гэсэн байр сууриа олход түүртэх зүйл байгаагүй байна.

      Тэрээр дуу хөгжмийн ертөнцөд орж ирээд 10 орчим жил болж байгаа хэдий ч өнөөдрийг хүртэл нийт 20 орчим бие даасан хөгжмийн цомгоо гаргаад байгаа юм байна. Түүинй цомгууд нь борлуулалтын тоогоороо өндөр ордог эрэлт хэрэгцээ ихтэй байдаг байна. Ингээд та бүхэндээ түүинй дуулсан 《爱的就是你》боюу "Чамайг л хайрлана" гэдэг дууг сонсгож өнөөдрийн нэвтрүүлгээ өндөрлүүлье.  /Хүчит редакторлон бэлтгэв/