Бээжинд ажилчдын биеийн тамир спортын талбай болон биеийн тамир спортын ордон гэхэд бараг мэдэхгүй хүн байхгүй байдаг. Өнгөрсөн зууны 60-д онд бээжин хотын бэлэг тэмдэгийн хоёр барилга болсны хувьд Азийн наадам, ширээний теннисийн дэлхийн цомын наадам, Азийн цомын хөл бөмбөгийн тэмцээн зэрэг тоогүй олон өргөн цар хэмжээтэй биеийн тамир спортын наадам болон уран сайхны концертын ажиллагааг зохион явуулж, хүмүүст маш гүн сэтгэгдэл үлдээсэн юм. Шинэ зуунд ороод, 50 жил шахмын түүхтэй болсон энэ хоёр талбай ордон нь хуучивтар болсон нь илэрхий. 2008 оны Бээжингийн олимпийн хөл бөмбөгийн тэмцээн болон боксын тэмцээнийг зохион явуулахын тулд, уг хоёр талбай ордонд засвар өөрчлөлт хийж байгаа бөгөөд удалгүй тэд нар нь цоо шинэ дүр төрхөөр дэлхийн хүмүүсийг угтах болно.

     Бээжингийн олимпийн үеэр, ажилчдын биеийн тамир спортын тайбайд хөл бөмбөгийн тэмцээнийг зохион явуулах болно. 1959 оны 8-р сарын 31-д байгуулагдсан энэ талбай нь Хятад улс тунхаглагдсан 10 жилийн ойн үеэрх Бээжингийн 10 нэрт барилгын нэг болсон юм, түүний төв спортын талбай нь 80 мянган үзэгчдийн багтаамжтай.

     Ажилчдын биеийн тамир спортын талбайг өргөтгөн байгуулах ажлыг 2006 оны 4-р сарын 18-д эхлүүлсэн юм. Гол нь Олон улсын олимпийн хороо, Олон улсын хөл бөмбөгийн нийгэмлэг болон Бээжингийн олимпийн зохион байгуулах хорооны шаардлага ёсоор энэ талбайны бүтцийг бэхжүүлж, тэмцээний зөлөг болон гүйлтийн замыг шинэтгэн зассан байна. Хөл бөмбөгийн тэмцээнийг зохион байгуулах учраас зөлөгний асуудал нь хүмүүсийн анхаарлыг хамгийн их татдаг. Холбогдох хариуцлагатан танилцуулж хэлэхдээ, зөлөгний газар дор нь цахилгаан халаалтын утас тависан учраас зөлөг нь эртэлж ногоорох болно. Үүнээр барахгүй тогтмол хугацаатайгаар зөлгийг олон удаа арчилж хамгаалах болно гэжээ.

      Ажилчдын биеийн тамир спортын талбайны хойт хаалгаас баруун тийш 500 метр явбал олимпийн боксын тэмцээнийг зохион явуулах газар ажилчдын биетийн тамирын ордонд хүрэх болно. Энэ ордныг 1961 онд байгуулжээ. Ер нь Бээжингийн хэмжээнд өргөн цар хмэжээтэй ажиллагааг зохион явуулдаг чухал газар юм. Энэ удаагийн засварын ажилд гадаад төрөх болон бүтцийг нь хэвээр хадгалж, үүний үндсэнд шинээр яанзалсан юм.