Үзэсгэлэнгийн талбай

     "Шинэ үүдэлт, хамтын ажиллагаа, хөгжил, харилцан ашигтай байх" сэдэвт 2007´ зүүн хойд Азийн шинэ техникийн үзэсгэлэн яармаг 9-р сарын 20-ны үдээс өмнө, Хятадын зүүн хойд нутгийн Шэньян хотноо боллоо. Хятадын Төрийн Зөвлөлийн гишүүн Чэнь Жили нээлтийн ёслолд оролцож, үзэсгэлэн яармагтай танилцсан байна.

Соронзон галт тэргэний загвар сонирхож байна

     Уг үзэсгэлэн яармаг бол зүүн хойд Азиар гол болгон Хятад улсын зохион явуулж бий бүс нутгийн чанартай, олон улсын шинжлэх ухаан техникийн ерөнхийлсөн үзэсгэлэн юм. 2004 оноос нааш, Шэньян хотноо ийм үзэсгэлэн яармагийг дараалан 2 удаа амжилттай зохион явуулжээ.

     Монгол, Хойд Солонгос, Япон, Өмнөд Солонгос, Орос зэрэг зүүн хойд Азийн бүс нутгийн улс орнууд болон Их Британи, Герман, Итали зэрэг орнууд, Хятадын дотоодын нийт 542 пүүс компани уг үзэсгэлэн яармагт оролцож, зүүн хойд Азийн бүс нутгийн шинжлэх ухаан техникийн тэргүүний ололт амжилт болон шинэ техникийн бүтээгдэхүүнүүдийг дэлгэн үзүүлсэн байна.

Контейнер ачих хөлөг онгоцны загвартай танилцаж байна

     3 хоног болсон уг үзэсгэлэн яармагийн хугацаанд бас хөдөө аж ахуйн шинжлэх ухаан техникээр шинийг үүдэх асуудлаархи чуулга уулзалт, эрчим хүч хэмнэн бохир бодисны гаргалтыг багасгах асуудлаархи шинжлэх ухаан техникийн чуулга уулзалт зэрэг ажиллагаануудыг зохион явуулсан байлаа. \О.Дарамбазар орчуулав.\