2007 оны зуны тусгай олимпийн наадам 10-р сарын 2-ноос 11-ний өдрүүдэд Хятадын Шанхай хотод болох гэж байна. Гурван сарын өмнө, Афинд асаасан уг тусгай олимпийн бамбарыг таван тивээр дамжуулан 25-ны орой Хятадад хүргэж ирлээ.

     25-ны оройн 8 цагт Бээжингийн хойд хэсгийн Цавчаал боомтын Цагаан хэрэм дээр гэрэл чийдэн гэрэлтэж, зохион байгуулагч орон--Хятад улсыг оролцуулсан 140 гаруй улс орон, газар нутгийн зочид төлөөлгчид цугларан тусгай олимпийн бамбарыг угтаж авсан байна.

     ХКН-ын Төв Хорооны Улс Төрийн Товчооны Байнгын Хорооны гишүүн, Сахилга Бат Шалгах Төв Комиссын Нарийн бичгийн дарга Ү Гуаньжэн бамбарыг хүлээн авч, галын мандлыг асааж, тусгай олимпийн бамбарыг Хятадын нутгаар дамжуулах ажиллагаа эхэлснийг мэдэгдэв.

      2007 оны Дэлхийн зуны тусгай олимпийн бамбарыг Хятадын нутгаар дамжуулах ажиллагаа эхэлснийг мэдэгдэе.

     Тусгай олимп бол олимпийн үзэл санааны үндэс дээр, оюуны согогтой хүмүүст зориулан зохион байгуулдаг спортын наадам юм. Хятадын Шанхай хот нь энэ оны 10-р сарын 2-ноос 11-ний өдрүүдэд болох Дэлхийн зуны 12-р тусгай олимпийг зохион байгуулах болно. Энэ бол дэлхийн тусгай олимп анх удаагаа Азид, мөн анх удаагаа хөгжиж байгаа оронд болох гэж байгаа юм. Наадмын үеэр дэлхийн 160 гаруй улс орон, газар нутгийн тамирчин, дасгалжуулагч 10 мянга орчим хүн болон тамирчдын аав ээж, мэргэжилтэн, зочид 20 мянга гаруй хүн, тэрчлэн ажил төрлийн сайн дурын ажилтнууд оролцох юм байна.

     25-ны орой тусгай олимпийн бамбарыг угтах ёслол дээр, Хятадын Ерөнхий сайдын орлогч Хүй Лян-юй хэлэхдээ,

     Манай оронд 82 сая 960 гаруй манган хөгжлийн бэрхшээлтэй хүн байгаа бөгөөд түүний дотор оюуны согогтой хүн 9 сая 900 мянга гаруй байна. Манай Засгийн газар хөгжлийн бэрхшээлтэй хүмүүст туслах ажлыг маш чухалд үзэж, хөгжлийн бэрхшээлтэй иргэдийн ажил үйлсийн хөгжлийг дэмжиж, оюуны согогтой хүмүүсийг оролцуулсан хөгжлийн бэрхшээлтэй хүмүүсийн эрүүл мэндийн байдлыг нөхөн сэргээх, боловсрол олгох, ажлын байраар хангах, амьдрал зэрэг талын хүндрэл бэрхшээлийг нь байнга зохицуулж ирсэн байна. Хөгжлийн бэрхшээлтэй хүмүүсийн эрх ашгийг хамгаалж, тэдэнд эдийн засаг, нийгмийн хөгжлийн ололт амжилтыг хамтаар эдлүүлж байна. Энэ наадмаар дамжуулан, Хятадын хөгжлийн бэрхшээлтэй хүмүүсийн ажил үйлсийн нэн чанартай бөгөөд нэн түргэн хөгжихөд тус дөхөм үзүүлэх болно гэдэгт итгэж байна гэжээ.

     Тусгай олимпийн наапамд оролцох Хятадын тамирчин Ма Юньли хэлэхдээ,

     Би Хятадын тамирчдын нэрийн өмнөөс олимпийн бамбарыг угтаж байна. Тусгай олимп нь бидэнд маш их баяр баясгалан авчирсан, амьдралын сайн сайханд бид баярлаж, аав ээж болон багш нар маань ч бидний төлөө баярлаж байна. Та бүхний хайр халамжинд баярлалаа. Хэд хоногийн дараа, Шанхайд дэлхийн тусгай олимпийн наадам эхэлнэ, үүнийг бид хүсэн хүлээгээд удаж байна, бид уг наадамд чармайн оролцож, хүндрэл бэрхшээлийг давах болно гэжээ.

     Тусгай олимпийн бамбарыг 6-р сарын 29-ний өдөр Афины дагуул хотод асаасныхаа дараа, Лондон, Кайр, Вашингтон, Токио, Сидней зэрэг таван тивийн төлөөлөгч хотоор дамжуулан Хятадад хүргэж ирсэн бөгөөд 26-ны өдрөөс Харбин, Да-лянь, Ши-ань, Гуанжөү, Ү-ши зэрэг тусгай олимпийн хүлээж авах үүрэг бүхий 11 хот болон Шянган, Аомэниэр дамжуулж, 9-р сарын 30-ны орой Шанхай хотноо хүргэх бөгөөд 10-р сарын 2-ны орой энэ бамбараар Шанхайн дэлхийн тусгай олимпийн наадмын гал бамбарыг асаах юм байна. \Цэцэн орчуулж, О.Дарамбазар хянав.\