Энэ оны 8-р сарын 8-ны өдөрт, Бээжингийн Тянь Ань Мэний талбайд баярын далай болж, хүмүүс дуулалдаж бүжиглцэн, Бээжингийн олимп нээгдэх хүртэл нэг жилийн хугацаатай байхыг тэмдэглсэн байна. Мөн үүний дараахан 9-р сарын эхээр пара олимпийн нээгдэх хүртэл нэг жилийн хугацаатай байгааг ч өргөнөөр тэмдэглэсэн юм. Энэ ажиллагаанд Ардын улс төрийн зөвлөлдөх зөвлөлийн бүх хятадын хорооны дарга Жя Чинлинь биеэрээ оролцжээ.

     Ирэх жил, Бээжин хот нь зуны олимпийг зохион явуулсны дараахан, пара олимпийг зохион явуулах болно. Олимпид нааштай бэлтгэж байгаатай адилаар, Бээжингийн зохион байгуулагчид нь өвөрмөц онцлогтой, өндөр төвшинд хүрсэн пара олимпийг зохион явуулахаар хүчин чармайлт гаргаж байгаа юм. Бээжингийн олимпийг зохион байгуулах хорооны гүйцэтгэгч дарга Дэн Пүфан хэлэхдээ, хоёр олимпийг адилхан гайхамшигтай сайхан зохион явуулах нь Бээжингийн амлалт бөгөөд Хятадын амлалт юм, мөн хөгжлийн бэрхшээлтэй 8 сая хүнийг багтаасан Хятадын үндэстний хүсэл мөрөөдөл юм. Бид ижил нэгэн дэлхийд амьдарч, ижил нэгэн мөрөөдөлтөй байгаа юм. Ирэх жилийн энэ үеэр, дэлхийн олон орон олон бүс нутгийн хөгжлийн бэрхшээлтэй тамирчид спортын ажиллагаагаар дамжуулж, өөрийнхөө гайхамшгийг үзүүлэх болно гэжээ.

     2008 оны пара олимпид, дэлхийн 150 улс орон бүс нутгийн 7000 гаруй тамирчин, дасгалжуулагч, албаны хүмүүс оролцох болно. Энэ пара олимид оролцох тамирчид тэрчлэн төлөөлөгчидтөй хамт ирэх албаны хүний олон улсын аялалын зардлыг Бээжингийн олимпийг зохион байгуулах комисс даах болно. Энэ нь пара олимпийн түүхэнд анх удаагаа гэдгийг тодорхойлон хэлэх чухалтай байна.

     Өнөө, Бээжингийн олимпийг зохион байгуулах хорооны хоёр олимпид бэлтгэж ажил нь бараг зэрэг явагдаж байна. Спортын ажиллагааны үндэс болсны хувьд, пара олимпийн талбай ордны байгуулалт эрчтэй явагдаж байгаа юм. Бээжингийн олимпийг зохион байгуулах хорооны гүйцэтгэгч даргын орлогч, Хятадын хөгжлийн бэрхшээлтэй хүмүүсийн нийгэмлгийн зөвлөлийн дарга хатагтай Тан Шиочуань хэлэхдээ, пара олимпийн тэмцээний заал талбай нь бүхнээрээ олимпийн тэмцээний заал талбайг ашиглах болно. Эдгээр талбай ордныг энэ онд багтаан ихэнхийг нь бариж дуусгах болно. Ер нь эдгээр талбай ордныг байгуулахад пара олимпийн онцгой шаардлагыгзэрэг авч үзсэн юм гэжээ.