Сайн байцгаана уу? Монголын сайхан нутагтаа тавтай сайхан өвөлжиж байна уу? "Захидлын тойм" булангаар тантай дахин золгож байгаадаа би их баяртай байна. Монгол улсаас Хятадад ирж сурахыг хүсч байгаа оюутан сурагчид тэр дундаа гэрийн эцэг эх Хятадын Бээжингээс бусад газар нутгийн их дээд сургаалиудаас танилцуулж өгөөрөй гэж хүссэн нь цөөнгүй байдаг. Сүүлийн өдөр сүлжээ хэрэглэгч Батаа бидэнд ирүүлсэн имэйлдээ Хятадын Хү Бэй мужийн Ү Хань их сургуулийг танилцуулж өгнө үү? гэж хүссэн байна Тэгээд түүний хүсэлтийн дагуу өнөөдрийн "захидлын тойм" булангаар танд Хятадын Ү Хань их сургуулийг танилцуулъя.

     Ү Хань их сургууль бол Хятадын төв хэсгийн Хү Бэй мужийн Ү Хань хотод байдаг хятадын шинжлэх ухаанны төрлөөрөө хамгийн бүрэн бүтэн байдаг, ерөнхийлсөн их сургуулийн нэг болно. Одоогийн байдлаар, Ү Хань их саургуульд философи, эдийн засгийн ухаан, хуулийн ухаан, боловсролын ухаан, утга зохиол, түүхийн ухаан, байгалийн шинжлэх ухаан, аж үйлдвэрийн ухаан, хөдөө аж ахуйн ухаан, анагаах ухаан, удирдах ухаан зэрэг 11 төрлийн эрдэм шинжилгээний том салбар, үндсэн ангийн 105 тусгай мэргэжил байдаг. Сургуульд сурч байгаа оюутан 45 мянга гаруй байна, үүнд аспирант 12 мянга шахам байна. Сүүлийн жилүүдэд Ү Хань их сургууль бас гадаадын 300 гаруй нэрт эрдэтэн болон улс төрийн чухал хүмүүсийг урьж, профессор болон нэр хүндэт профессораар юм уу, тусгай сэдвээр урь хичээлдэг профессораар ажиллуулж байна. Бас 60 гаруй улс орон газар нутгийн 200 гаруй их сургууль, эрдэм шинжилгээний байгууллагуудтай хамтын ажиллагааны хэлхээ холбоо тогтоон ажиллаж байна.

      Лүө Жя шань уулын хормойд байралдаг Ү Хань их сургууль уул усаараа шүтэлцэн түшилцсэн, хятадын хамгийн үзэсгэлэнтэй сургуулиудын нэгээрээ онцлог болсон юм. Та уг сургуулийн тухай улам гүн гүнзгий ойлголттой болохыг хүсч байвал вэб сайттай нь танилцах болов уу. Эрхэм анд нөхөд өө. Өнөөдрийн "захидлын тойм" булангаар танд Хятадын Ү Хань их сургуулийг танилцуулла. Өөр ямар талаар сонирхож байвал та бидэнд хүсэлтээ бичиж ирүүлэх болов уу, бид та нарын асуултанд хариулж, мөн таны хүсэлтээр нэвтрүүлэг бэлтгэж явуулах болно.

Ү Хань их сургуулийн вэб сайт:
http://www.whu.edu.cn/ Номин бэлтгэв