Дэлхийн хүмүүсийн анхаарлыг татсан Бээжингийн олимп хүртэл 200 гаруй хоногийн хугацаатай байгаа хэдий ч олимптой нягт холбоотой олон тэмцээн нь Бээжинд эрчтэй явагдаж байгаа юм. Энэ нь даруй "Бээжинд амжилт хүсье" олимпоос өмнөх туршилтын тэмцээн болно. Эдгээр тэмцээнийг зохион явуулж байгаа зорилго нь Бээжингийн олимпийг зохион явуулахад бодитой сургууль хийх явдал болно. Энэ туршилтын тэмцээнийг зохион явуулахаар дамжуулж, Бээжин хотын олмпийн наадмыг зохион явуулах чадавхийг нэн сайн шалгаж болох юм. Төлөвлөгөө ёсоор Бээжингийн олимпийг зохион явуулах комисс нь 2007-гоос 2008 оны эхний хагас хүртэл "Бээжинд амжилт хүсье" 42 тэмцээнийг зохион явуулах ёстой, үүний дотор 2007 онд 26 тэмцээнийг зохион явуулахаар төлөвлсөн бөгөөд 19-г нь зохион явуулаад дууссан юм.

     Энэ оны 10-р сарын эцэс гэхэд зохион явуулаад өнгөрсөн 19 тэмцээний дотор олимпийн тэмцээний 18 төрөл, пара олимпийн нэг тэмцээний төрөл багтаж байна. Эдгээр тэмцээнд тамирчны 4514 хүн, олон улсын тэмцээний холбооны албаны хүн болон мэргэжлийн албаны хүний нийт 1068 хүнийг хүлээн авсан бөгөөд дотоод гадаадын сэтгүүлчдийн давхардсан тоогоор 10 мянга гаруй хүн эдгээр тэмцээнийг сурвалжилж, 250 мянга гаруй үзэгчид эдгээр тэмцээнийг сонирхсон байна.

      Эдгээр тэмцээнийг зохион явуулсан үр дүнгийн тухай Бээжингийн олимпийг зохион явуулах комиссын гүйцэтгэх даргын орлогч Ян Шү-ань хэлэхдээ, эдгээр тэмцээнийг зохион явуулахад хамрагдсан спортын тэмцээний талбай ордны тоног төхөөрөмж, техникийн систем зэрэг нь олимпийн тэмцээний шаардлагыг үндсэндээ хангасан байна. Талбай ордны сургууль хийснээр барахгүй, сайн дурынхан ч энэ явцад чухал үүрэг гүйцэтгэсэн юм. Талбай ордны хувьд олимпийн тэмцээний үеийн 95 хувийн асуудлыг зохицуулаад байгаа бөгөөд аюулгүйн баталгаа, зам харилцаа, хотын захиргаа, байгаль орчин, эрүүл ахуй, эм эмчилгээ, нийтийн хоол, орон байр зэрэг асуудлыг баталж чадсан байна гэжээ.

      Өнөөгийн байдлаас үзэхэд, "Бээжинд амжилт хүсье" туршилтын тэмцээний тухай олон талын хариу тусхал маш сайн байна. Олон улсын олимпийн хорооны дарга Роге хэлэхдээ, Бээжингийн олимпийг зохион байгуулах Комиссын зохион явуулсан туршилтын тэмцээн нь маш сайн үр дүнд хүрсэн, бид бүхэн сэтгэл ханамжтай байна гэжээ.