Или, Мэнню, Ордос зэрэг шошгуудыг өнөөдөр Хятад улс даяараа андахгүй. Ордосын ноолууран эдлэл, Или, Мэнню-н сүү цагаан идээнээс гадна Лүван-ны ноолууран эдлэл, Вэйшин-ий ямааны ноолууран бүтээгдэхүүн, Бугатын ган төмөрийн компаний төмөр замд хэрэглэдэг төмөр, Бугатын хөнгөн цагааны үйлдвэрийн хөнгөн цагааны хайлш, Юаньшингийн хужир зэрэг нийт 10 төрлийн бүтээгдэхүүн Бүх Хятадын брэнд бүтээгдэхүүнд тооцогддог байна.

     Мөн Ордос, Лүван, Вэйшинь, Дунда монгол хаан, Шычи, Или, Мэнню, Бортохойн гурил, Бортохойн цагаан архи, Тал нутгийн элсэн чихэр, Тал нутгийн Шинфа, Хорчины үхрийн аж ахуй, Саяфэйя, Тарган хурга, Итай, Дүүжин гүүрийн газар тариалангийн хор зэрэг 16 нэрийн барааны шошго нь Хятадын хамгийн алдартай барааны шошгуудын тоонд багтдаг.

     Или компани 15.238 тэрбум юаний ашгаараа 2005 оны Бүх Хятадын хэмжээнд хүнсний бүтээгдэхүүний салбарт хамгийн их орлоготой ажилласан аж ахуйн нэгжээр шалгарч байжээ.

     Эдгээр амжилтууд нь 10 гаруй жилийн өмнөөс ӨМӨЗО-ыг хөгжүүлэх стратеги бодлогын хүрээнд хэрэгжүүлж эхэлсэн өөрийн брэнд бүтээгдэхүүнийг бий болгох зорилтын үр дүн юм.

     Хятадын хамгийн алдартай барааны тоонд шалгарсан Өвөрмонголын 16 төрлийн шошгын 13 нь хөдөө аж ахуйн үйлдвэрлэлийн бүтээгдэхүүнүүд байгаа юм. X дугаар 5 жилийн төлөвлөгөө хэрэгжиж эхэлсэнээс хойш ӨЗО нь сүү, мах, ноолуур, үр тариа, хүнсний тос зэрэг хөдөө аж ахуйн бүтээгдэхүүний үйлдвэрлэлд түлхүү анхаарч хүчирхэг өрсөлдөх чадвар бүхий, томоохон компаниудыг дэмжин хөгжүүлж иржээ.

     Тухайлбал Или корпорац нь сүүлийн 4 жил дараалан Хятадын сүүний аж ахуйн үйлдвэрлэлийн тэргүүлэх компаниар шалгарсан байна. Тус компани Бээжингийн 2008 оны олимпийн наадмын сүүн бүтээгдэхүүн хандивлах цорын ганц аж ахуйн нэгж бөгөөд Хятадын түүхэнд анх удаа олимпийн наадамд хүнсний бүтээгдэхүүн нийлүүлэх анхы албан ёсны компани болжээ.