Амжилтад хүрсэн спортын наадам нь аюулгүйн баталгааны ажлаас салж чадахгүй юм. Учир иймээс Бээжингийн олимпийн аюулгүйн баталгааны ажлыг хүмүүс анхаарсаар иржээ. Сүүлийн үе, Бээжингийн олимпийн аюулгүйн баталгааны ажлыг зохицуулах хэсгийн холбогдох хариуцлагатан энэ тухай дэлгэрэнгүй танилцуулсан байна.

      Бээжингийн олимпийн аюулгүйн баталгааны командлалын төвийн ерөнхий командлагчийн орлогч Лю Шао-У сурвалжлагчид ярилцлага өгөхдөө, Бээжингийн олимпийн аюулгүйн баталгааны бэлтгэл ажиллагаа шат үеийн чанартай үр дүнд хүрсэн юм гэжээ.

     Олимпийн наадмын аюулгүйн баталгааны ажилд талбай ордны аюулгүй байдал нь хамгийн чухал юм. Лю Шао-У хэлэхдээ, аюулгүйн баталгааны камандлалын төв нь ордон талбайны аюулгүйн баталгааны ажлын явцад олимпийн талбай ордны аюулгүйн батлагааны техник тоног төхөөрөмжийн байгуулалтыг талбай ордны барилгын төлөвлөгөө байгуулалттай зэргээр явуулахыг баримталсаар ирсэн юм. Үүний зэрэгцээ тэмцээний талбай ордон болон тэмцээний бус талбай ордонд аюулгүйн баталгааны хариуцлагатай хүн илгээж, биеийн тамир спорт, үзэгчдийн үйлчилгээ зэрэг салбартай нягт хамтран ажиллуулсан байна гэжээ.

      Олимпийн талбай ордон хойно хойноосоо ашиглалтад орсон болон олимпийн туршилтын тэмцээний амжилттай явагдахын дагуу Бээжингийн олимпийн аюулгүйн баталгааны ажил нь төлөвлөгөө байгуулалтын шатнаасаа бодитой ажиллах шатандаа шилжсэн байна.

      Өнөө, Бээжингийн олимпийн аюулгүйн баталгааны төв нь тэмцээний бодит байдлын шаардлагаар ажлын төлөвлөгөөг нарийн тогтоосон юм. Одоог хүрч иртэл Бээжингийн олимпийн туршилтын тэмцээний аюулгүйн баталгааны 20 гаруй үүргийг амжилттай биелүүлсэн байна. Лю Шао-У цааш нь хэлэхдээ, бид Бээжингийн олимпийн бодит байдал болон сургуулийн шаардлагын дагуу олимпийн талбай ордны хэв журам, зам харилцаа, гал сөнөөх удирдлага, терроризмийн эсрэг том хэмжээний ажиллагаа, цагдаа харуул илгээх зэрэг аюулгүйн баталгааны 52 ажлын төлөвлөгөө, 500 гаруй бодитой төслийг тогтоосон байна. Эдгээр төлөвлөгөө, төслийн зонхилох хэсгийг 20 гаруй туршилтын тэмцээнд хэрэгжүүлж, маш сайн үр дүнд хүрсэн байна. Олон туршилтын тэмцээнээр дамжуулж олон төлөвлөгөө төсөлд оршиж байгаа хүрэлцэхгүй тал болон асуудлыг танин олж, нэн даруйд нь өөрчилж сайжруулсан байна гэжээ.

      Бээжингийн олимпийн аюулгүйн баталгааны ажлын үр бүтээлийг хэвлэл мэдээллийнхэнд үзүүлэхийн тулд сүүлийн үе Бээжингийн олимпийн зохион явуулах хороо нь дотоод гадаадын сэтгүүлчийг зохион байгуулж, шинээр ашиглалтад оруулсан спортын ордон талбайтай үзэн танилцсан байна.