Лү бөлүнь бол Бельги нутагтай хүн. Одоо Хятадын Ань хүй мужийн Хэ фэй хотын Хилтон зочид буудлын ерөнхий захирлаар ажиллаж байна.

     Лү бөлүнь өөрийн нэрээ ихэд сонирхдог. Яагаад гэвэл гүн агуулгатай гэдэг. Лү бөлүнь гэдэг нэр нь хятад нэр нь байгаа. Энэ нэр нь өөрийнхөн нь LUC BOLLEN-тэй дуудлага төсөөтэй. Бөлүнь гэдэг нь "үзэж харсан зүйл их, зүйрлэшгүй " гэсэн утагтай. Лү бөлүнь нээрээ олон газар явж, нүд тайлсан, өргөн мэдлэгтэй хүн. Хилтон нэгтгэлд олон жил ажиллаж, олон улс орноор аялан явсан.

      Тэрээр хэлэхдээ: Хилтонд 15 жил ажилласан. Хятад улс бол миний ажилласан15 дахь орон. Үүнээс гадна Пэрсийн район, Украйн, Египет, Өнөд Африкад ажиллаж байсан. Олон улс оронд ажилласан болохоор, улс орнуудын зан үйл, түүх соёлыг ойлгодог гэжээ.

      Хилтон нэгтгэл 1988 онд Хятадын захад орсон. Бээжин, Шанхай, Чүнчин, Санья-д зочид буудлаа ажиллуулснаас гадна. 5 дахь зочид буудлаа энэ онд Аньхүй мужийн Хэ фэй хотод ажиллуулав.

     Дөрвөн Хилтон зочид буудлаа Хятадын шууд харьяат хот, онцгой район зэрэг эдийн засаг хөгжсөн нутагт ажиллуулсан байтлаа 5 дахь буудлаа юунд төв нутгийн Хэ фэй хотыг сонгов оо? Лү бөлүнь хэлэхдээ: Хэ фэй хотын түргэн хөгжил, хөгжлийн асар их нөөцөөс болсон юм гэжээ.

     Хэ фэй хотын Хилтон зочид буудлыг эхэлж бэлтгэснээс аваад ашиглалтад оруултал хагасхан жилийн хугацаа зарцуулжээ. Зочид буудлыг эхэлж бэлтгэснээс аваад өрсөлдөөн сорилтод нүүрлэсэн. Бүх зүйл тэгээс эхэлсэн. Бэлтгэлийн явцад хүндрэл ихтэй ч бид зүрхшээсэнгүй. Эцсийн бүлэгт зочид буудлаа амжилттай ажиллууллаа. Энэ нь ганц хүний зүтгэл бийш. Хамт олны хүчин чармайлтаас болсон юм гэж тэрээр ярьж байна. Түүний хамт олон 800 хүнтэй. Долоохон гадаадын ажилтан байгаа.

     Лү бөлүнь Хэ фэйд ирэхээс өмнө Шанхайн Хилтон зочид буудалд ажиллаж байжээ. Бээжин, Чүнчин хотоор очиж байсан. Хятадад 3 жил амьдрах хугацаандаа Хятадын бизнесийн орчин ахуйг нэлээд ойлгожээ. Тэрээр зочид буудлыг амжилттай эрхэлж ажиллуулсан талаар арга туршлагаа хэдэн талаар нэгтгэн дүгнэжээ. Хамт олны үр ашигтай хамтын ажиллагаанаас гадна, Хятадын гадаадад нээлттэй бодлого хамрагдаж байна. Хятадын гадаадад нээлттэй бодлого нь гадаадын хөрөнгийг татах үндэс болно. Мөн ч бизнесийн олон байгууллага Хятадад ирж, хөрөнгө оруулах ашигтай орчин бий болгосон байна. Энэ нь аж ахуйн нэгжийн хөгжил, хотын байгуулалт, хөрөнгө оруулалтын орчин ахуйг шилжигдүүлэхэд тус төхөм болж байна гэж тэрээр үзэж байна.