2007 оны Күнзийн дээд сургуулийн их хурал 11-нд Бээжинд боллоо. Сурвалжлагчийн ойлгосноор, Хятад хэлний сургалтыг гол болгосон байгууллага өнөө гадаадын олон улс оронд түргэн хөгжиж байгаа юм байна. Кунзийн дээд сургуулийг түргэн хөгжүүлэхэд тус төхөм үзүүлж, хятад хэл сурах сонирхолтой гадаадын хүмүүст тус дөхөм үзүүлэхээр чармайна гэж Хятадын засгийн газар илэрхийлжээ.

     Хятадын засгийн газраас 2004 оноос гадаадын хүмүүст хятад хэл сургах тусгай байгууллага гаргасан бөгөөд Хятадын уламжлалт соёлын төлөөлөх хүн Күнзийн нэрээр тус байгууллагыг нэрлэсэн юм. 11-ний өдөр хийсэн Күнзийн дээд сургуулийн их хурал дээр Хятадын төрийн зөвлөлийн гишүүн хатагтай Чжэнь Жили танилцуулж хэлэхдээ, Күнзийн дээд сургууль байгуулагдсанаас хойш ялангуяа сүүлийн нэг жилд их түргэн хөгжлөө гэжээ. Тэрээр хэлэхдээ,

     Өнгөрсөн оны 7-р сард Күнзийн дээд сургуулийн анхны их хурал хуралдах үед, 36 улс орон газар нутагт Күнзийн 80 дээд сургууль байгуулагдаж байв. Үүнээс хойш нэгхэн жилийн хугацаанд Күнзийн 130 дээд сургууль нэмэгдсэн байнйа. Одоо бас 200 гаруй байгууллага Күнзийн дээд сургууль байгуулахаар өргөдөл дэвшүүлээд байгаа гэжээ.

     Энэ жил Камерунд Күнзийн дээд сургууль байгуулагдсан. Тус сургуулийн хариуцлагатан Жеан Тави манга хэлэхдээ,

     Күнзийн дээд сургууль байгуулагдсанаар Камеруны олон хүн болон Африкийн ард түмэн Хятад үг хэл, үсэг бичиг, соёлыг улам ойлгоно гэдэгт би итгэж байна. Күнзийн дээд сургууль байгуулагдсанаар хоёр орны эдийн засаг, улс төрийн хамтын ажиллагааны шинэ замыг нээлээ гэжээ.

      Күнзийн дээд сургуулийн цар хүрээ өргөжиж байгаагийн зэрэгцээ сургуулийн сургалтын чанар ч сайжирч байна. Одоо олон газруудын Күнзийн дээд сургууль нь олон төрөл хэлбэрийн хичээл сургалт хийж байна. Бас орон нутгийн онцлогт уялдуулан, хятад соёлын онцлогтой төрөл бүрийн хичээл болон соёлын арга хэмжээнүүд зохиож байгаа юм байна.

     Австралийн "Баруун австралиа" их сургуулийн Күнзийн дээд сургууль нь Хятадын Чжэжян их сургуулийн оюутнуудтай хэлхээ холбоо тогтоож, олон төрлийн арга хэмжээ зохиохыг хятад хэлний сургалтын гол бодлогоо болгож, үр дүнд хүрсэн байна. Тус сургуулийн захирал Шиглеи танилцуулж хэлэхдээ,

     Манай сургуулийн 45 оюутан одоо Чжэжян их сургуульд хятад хэл сурч байна. Дараа нь тэд бас Бээжинд очиж сурах болно. Тэд Хятадад байх хугацаандаа Хятадын оюутан сурагчдаас суралцах боломж их байна гэжээ.

     Энэ удаагийн Күнзийн дээд сургуулийн их хурал хоёр хоног үргэлжилнэ. 64 улс орон, газар нутгийн Күнзийн дээд сургуулийн төлөөлөгчид энэ боломж тохиолыг ашиглан арга туршлага, мэдээллээ солилцон, Күнзийн дээд сургуулийн бүтэц зохион байгуулалт, хөгжилд хамтран арга ухаан зарах болно. Хурлын үеэр улс орнуудын Күнзийн дээд сургуулийн ололт амжилтын үзэсгэлэн Бээжинд ажиллаж байна. \Баясгалан орчуулж, Г. Сайн-Өлзий хянав.\