Хагас жилийн хугацаатай яаралтай нямбай бэлтгэлээр дамжуулж, Хятадын олон нутгийн олимпийн гал бамбар дамжуулагчийг элсэх ажил сүүлийн үе амжилттай өндөрлөж, нийт 11534 нэр дэвшигчийг сонгон гаргасан байна.

     12-р сарын 1-ний үдээс өмнө, Бээжингийн олимпийн гол биеийн тамирын талбайд барилгын ажил хийж байгаа Жю Гүөюньд найз нөхөд садан төрлүүд нь хойно хойноос утсаар яриж, түүний 2008 оны бээжингийн олимпийн гал бамбар дамжуулагчаар нэр дэвшсэнд халуун баяр хүргэж байлаа.

     Жю Гүөюнь нь Хятадын Хэнань мужийн Хуа шянь нутагтай хүн юм. Бээжинд ирж 20 гаруй жил ажиллах явцдаа маш олон чухал барилгын ажилд оролцож байжээ. 2003 оноос тэрээр Бээжингийн олимпийн талбай ордны барилгын ажил, гол нь хятадын үндэсний биеийн тамирын талбай "шувууны үүр", хятадын үндэсний биеийн тамирын ордон, олимпийн хотхоны барилгын ажлыг хийж иржээ. Өнөөдрийн байдлаар, Хятадын үндэсний биеийн тамирын ордныг байгуулаад дууссан бөгөөд энэ ордонд "Бээжинд амжилт хүсье" олимпийн туршилтын тэмцээнүүдийг зохион явуулж, олимпийн хотхоныг ч яаралтай янзалж байгаа юм.

     Жю Гүөюнь хэлэхдээ, Бээжин орж ажил хийж байгаа тариачны дундаас гал бамбар дамжуулагч элсэж байх чимээг сарын өмнө дуулж байсан, эцсийн бүлэгт намайг сонгоно гэдгийг яасан ч бодож олоогүй, Лю Шян, Ёо Мин мэтийн олимпийн аврага юм үү одууд л болох байхаа гэж бодож байсан гэжээ.

     Бээжингийн олимпийг зохион явуулах хорооны гал бамбар дамжуулах төвийн танилцуулснаар, энэ жил 43 настай Жю Гүөюнь 1984 онд их сургуульд орж чадаагүйгийн улмаар Бээжинд ирж ажилласан байна. Тэрээр Бээжин орж ажиллаж байгаа энгийн нэг тариачин хэдий ч хүнээс хоцрохгүйгээр чармайн ажилласаар ирсэн юм. Ямар ч мэргэжил туршлага байхгүй байснаа тэрээр ажиллахын дагуу сурч, халшралгүй чармайн байж, ажилчдын эгнээд нэлээд нэр хүндтэй болсон юм. Жю Гүөюнь ерөөс хувь хүний олз ашгийг чхуалд үзэхгүй байж, урьд хожид хятадын зууны мандал, үндэсний том театр, олимпийн биеийн тамирын гол талбай зэрэг олимпийн барилга байгууламжийн 160 гаруй төсөлд оролцож байсан юм.

     2003 оноос эхлэн, Жю Гүөюний нэрээр нэрэйдсэн барилгын хушууч анги "шувууны үүр", үндэсний биеийн тамирын ордон, олимпийн хотхон зэрэг олимпийн баригын ажилд оролцсон бөгөөд тухайн газруудад болсон хөдөлмөрийн ур мэргэжлийн тэмцээнд тэргүүн байранд орсоор иржээ.