Олон улсын биеийн тамирын шинжлэх ухаан болон боловсролын хэрэг эрхэлсэн нийгэмлэг, Олон улсын биеийн тамирын анагаах ухааны нийгэмлэг, Олон улсын олимпийн хороо болон Олон улсын пара олимпийн хорооны хамтран зохион явуулсан 2008 оны олимпийн шинжлэх ухааны их хурал нь ирэх жилийн 8-р сарын 1-нээс 5-ны өдрүүдэд Хятадын өмнөд нутгийн Гуанжю хотод болох болно. Энэ хурал нь түүхэнд байгаагүй өргөн цар хэмжээтэй байж, тухайн үед 2500 гаруй төлөөлөгч хуран цуглрах бөгөөд дэлхийн шинжлэх ухааны салбарт нөлөөлөх хүчинтэй шинжлэх ухааны эрдэмтэд лекц унших юм байна. Ялангуяа Хятадын биеийн тамирын шинжлэх ухаантан анх удаагаа лекц хийх гэж байгаа нь Хятадын биеийн тамирын шинжлэх ухааныг дэлхийн хэмжээнд хүлээн зөвшөөрч байгааг харуулсан явдал юм.

     1960 оноос нааш, удаа бүрийн зуны олимп болохоос өмнө, Олон улсын биеийн тамирын шинжлэх ухаан болон боловсролын хэрэг эрхэлсэн нийгэмлгийн байгууллага олимпийн шинжлэх ухааны их хурлыг зохион явуулдаг. Олон улсын олимпийн хороо ч зуны олимпоос өмнөх нэг жилд өөрийнхөө шинжлэх ухааны их хурлыг хийдэг. Үүнээс гадна Олон улсын пара олимпийн хороо удаа бүрийн пара олимпоос өмнө иймэрхүү хурлыг хийдэг юм байна. Биеийн тамирын шинжлэх ухаан нь өнөөдрийн биеийн тамирын уралдаан тэмцээнд маш чухал үүрэг гүйцэтгэж байгааг дээрх байдлаас ойлгож болно. Хятадын биеийн тамирын салбарынхнаар жишээлсэн ч ийм байдалтай. Өнөө, Хятадын биеийн тамирын төвшин нь дэлхийд тэргүүн эгнээнд орж байгаа юм. 2000 онд, Хятадын биеийн тамирын төлөөлөгчид нь Сиднейн олимпид 28 алтан медалаар алтан медалын жагсаалтад 3-р байранд орсон байна. 4 жилийн дараах Афины олимп дээр Хятадын баг нь дахин 32 алтан медалаар 2-р байранд орсон юм.

     Хятадын тамирчид тасралтгүй шинэ амжилт байгуулж байгаа нь Хятадын биеийн тамирын шинжлэх ухааны салбарын хангаж байгаа хүчтэй дэмжлэгээс салж чадахгүй гэж Хятадын биеийн тамирын ерөнхий газрын шинжлэх ухааны боловсролын хэлтсийн дарга Жян Зишюй үзэж байна.

     Тэрээр хэлэхдээ, түүхийн шалтгаанаас болж, олон улсын биеийн тамирын судалгааны байгууллагад хятадын төлөөлөгч маш цөөн байдаг бөгөөд олон хүн Хятадын судалгааны үр бүтээлийн тухай ойлголтоор тааруухан байдаг. Хэрэг дээрээ Хятадын биеийн тамирын шинжлэх ухааны судалгааны төвшин нь дэлхийд тэргүүн эгнээнд орж байгаа юм гэжээ.