Хөхнуур Түвдийн өндөрлөгт байралж байгаа Хөхнуур муж нь олон үндэстний төвлөрөн суусан муж болно. Баялаг агуулгатай үндэстний соёл нь Хөхнуур мужийн өвөрмөц онцлогтой ардын урлагийг буй болгожээ. Гэвч сүүийн жилүүдэд орчин үеийн соёлын хүчтэй нөлөөгөөс болж, энэ нутгийн маш олон ардын урлаг нь устахад хүрсэн байна. Үүнд холбогдуулан Хөхнуур мужийн Засгийн газар үр ашигтай олон арга хэмжээ авч эдгээр урлагийг хамгаалж байгаа юм.

      "Хуа эр" нь Хятадын Гансү, Хөхнуур, Ниншягийн хотон үндэстний өөртөө засах район, Шинжянгийн уйгур үндэтний өөртөө засах район зэрэг үндэстний цөөнхийн нутгуудаар өргөнөөр дэлгэрсэн ардын дуу урлагийн хэлбэр болно. Тэр нь хэдэн зуун жил уламжлагдаж, өвөрмөц хөг аялгуу, дууны шүлэгтэй юм. Түүнд утга зохиол урлагийн судалгааны маш өндөр үнэ цэнэтэй.

      Олон түмний маш сайн үндэс суурьтай хэдий ч нийгмийн хөгжил, орчин үеийн соёлын нөлөөгөөс болж, "Хуа эр"-ийн хөгжил нь хүнд байдалд учирсан юм. Нэртэй дуучдын ихэнх нь насан сүүдэр өндөр болж, залуучууд нь орчин үеийн дуу хөгжимд л сонирхолтой учраас ардын урлагийн залгамжлагч тун ховор болсон бөгөөд зарим эртний дуу нь бүр устсан байлаа. Энэ байдалд чиглүүлээд Хөхнуур мужийн соёлын салбарын холбогдох байгуулага нь яаралтай арга хэмжээ хэрэгжүүлж, "Хуа эр"-г нааштай хамгаалж байгаа юм. Хөхнуур мужийн соёлын танхимын албаны хүн Ли Шиояний танилцуулснаар, өнөөдөр Хөхнуур мужийн засгийн газар нь эртний ардын дууг эмэтгэн цуглуулах ажлыг гардан хийсний зэрэгцээ залуу дуучдыг шинээр хүмүүжүүлж байна. Тэрээр хэлэхдээ, бид үүнээр гараа болгож, жил бүр "Хуа эр"-гийн тэмцээнийг зохион явуулж байна. Тэгээд тэмцээнд тэргүүлсэн хүмүүсийг зохион байгуулж, оршин суугчдын хороолол юм уу их дээд сургуульд тоглуулж байгаа юм.

      Эдгээр хүмүүс ардын урлагт сонирхолтой болохын улмаар идэвхтэй оролцох болсноор ардын урлагийг нааштай хамгаалан, залгамжлагчийг хүмүүжүүлэхэд ч чухал үүрэг гүйцэтгэж байна гэжээ. "Хуа эр"-гийн дуучдын тэмцээнийг зохион явуулахаас гадна Хөхнуур муж нь дотооддоо "Хуа эр"-гийн дуучдын материалын агуулахыг байгуулж, олон нутгийн соёлын ордон, урлагийн сургууль ч залуу дуучдыг голчлон хүмүүжүүлж байгаа юм. "Хуа эр"-гийн хөг аялгуу, дууны шүлгийг ч тасралтгүй шинэчилж байна. Өнөө, Хөхнуур мужийн "Хуа эр"-г Хятадын үндэсний бодисын бус соёлын өвийн анхны жагсаалтад оруулж, хүчтэй хамгаалж байгаа юм.

     "Хуа эр"-г Хөхнуур мужийн ардын дуу урлагийн төлөөлөгч хэлбэр гэвэл "Тан ка" нь Хөхнуурын ардын уран зураг хатгамал гар урлалын хамгийн дээд илрэл болно. Хөхнуур мужийн засгийн газар нь ардын гар урлал, уран зургийн үзэсгэлэнг ажиллуулах, "Тан ка"-гийн зураачид мэргэжлийн цол олгох зэрэг арга хэмжээгээр нэн олон залгамжлагчийг хүмүүжүүлж байгаа юм.